Juliemut kaffisoriarneq

Brønden aamma ornittagaq Strandstuen kalaallisut tallimanngornersiortitsippata Julie Berthelsen peqataassaaq.

Brøndbyp kommuniani kulturikkut illumi Brøndenimi kalaallisut tallimanngornersiortoqarnerani Julie Berthelsenpeqataassaaq, ilaatigut erinarsorluni aammali nunatsinni attaveqartuunini pillugu oqaluttuassalluni.

Tamanna pissaaq tallimanngornermi nalunaaqutaq 15-miit 19-imut.

Qimusseqassaaq, meeqqat mikisut kamiinik takutitsisoqarluni illuigaqarlunilu, namminerlu tupilliornissamut periarfissaqassaaq soorunalumi kaffisorusaarluni.

Kingusinnerulaartukkut saqqummersitaq ”Aagusaaq”ammarneqassaaq, tassaavorlu assilisat inuusuttut Arkenimi assilaliornermut tunngaviusumik pikkorissarneranni suliaasut.

Ornittakkami Strandstuenimi ukiup ataasinngulersumi tujuulussuit eqiasuilluni nuersakkat RED BARNETip nunatsinni meeqqanut suliniaannut tapersiiniutaapput, ullorlu taanna oqortut taakku piosrtatigoortumik suliniaqatigiimmut tunniunneqassapput.

Aaqqissuussineq akeqanngilaq kikkullu tamarmik tikilluaqquneqarput. Kulturikkut illu Brønden septembarip 17-at nalunaaqutaq 15-19.

Powered by Labrador CMS