Ataatsimut sungiusartittarnissaq Illup neqeroorutigaa
Danmarkimi ilinniagaqalerlaatut kiserliulaartutut misigisimanartarpoq. Odensemi Kalaallit Illuutaata Danmarkimi ilinniagaqartutut ataatsimut sungiusartitarnissaq neqeroorutigaa.
Ajornaatsuinnaaneq ajorpoq kulturimiit kulturimut allamut nuunneq ilanngullugulu sammissallugu nutaamik ilinniagaqarneq, ilinniagaqartunullu allanut allamik kulturilinnut isummernissaq.
Ataatsimut sungiusartittarnissamik neqeroorut tassaavoq kalaallinut ilinniagaqartunut ataatsimoorluni oqaloqatigiittarnissaq ullut 14-it missaat allortarlugit. Taamatut allappoq Odensemi Kalaallit Illuutaaat.
Taamatut neqerooruteqartoqarpoq aallartilluarnissaq qulakkeerniarlugu ajornartorsiutaasinnaasullu pilinnginneranni pakkersimaarniarlugit. Sungiusartinnikkut imminut pissutsillu atukkat annertunerusumik paasineqarsinnaapput, taamaasillunilu Danmarkimi ilinniagaqartutut ikaarsaariarneq ajornaannerulersillugu.
Sungiusartitsinermi kalaallisut kinaassuseq ilanngunneqassaaq, taamaasilluni ataatsimut sorlaat naleqartitallu ilanngullugit, Danmarkimi ilinniagaqartutut inuunermi nukittorsaatitut atorsinnaalllugit.
Naja RosingOlsen, perorsaasutut, isiginnaartitsisartut, ID-Life Coachitdut aamma Art of Hosting metodinik ilinniagaqarsimasoq, pikkorissartitsisuussaaq.
Taassuma inuusuttunik ilinniagaqartunik atuartitsineq oqaloqateqarnerlu misilittagaqarfigilluarpai, tassa Perorsaasunngorniat Ilinniarfianni aammalu Knud Rasmussenip Højskoliani ilinniartitsisuusimagami Barnehjælperskolimilu pisortaasimalluni. Ullumikkut namminersortuuvoq Oqaluttuanik oqaluttuartartutut aammalu attaveqarnermi inuttullu ineriartornermi pikkorissartitsisarluni.
Pikkorissarnerit ulluni makkunani Odensemi ingerlanneqartassapput: 22.09.10 - 06.10.10 - 27.10.10 - 03.11.10 - 24.11.10 - 01.12.1 - 15.12.10.