Skip to main content

Tasiilami arnat højskolerput

Arnat 17-it sapaatip akunnerani Tasiilami arnanut højskolertinneqarput..

Højskoli arnat højskolertinneqarnerisa pingajoraat, taannalu Danmarkimi arnat kattuffiannit Zonta-mit Tasiilamilu Atugarissaarnermut Ingerlatsivimmit aningaasatigut tapiiffigineqarsimavoq.

Pikkorissartitsinerit siulliit marluk 2008-mi 2009-milu Kulusummi ingerlanneqarput.

Højskoli sunniiniarluni suliniuteqarnermik tunngaveqarpoq. Atuartitsisut akeqanngitsumik sulipput, taamaallaallu nutserisoq illoqarfimmiorlu ikiorti akissarsiaqarput, højskolimik ingerlatsisoq Karen Marie Hougård paasissutissiivoq.

Aalajangersimasumik atuartitsisutut peqataapput tarnip pissusianik ilisimasalik Lotte Wenstrup juumoorlu Susanne Houd, marluullutik Tasiilami ukiorpassuarni sulisimasut ilisimasallillu.

Tamatuma saniatigut atuartitsisut avataaneersut arlallit atorneqarput. Zonta Danmark-imit aallartitaavoq atuarfiup pisortaa Karen Marie Hougård.

Højskolimi sammineqarput "arnaaneq" aammalu "anaanaaneq", pikkorissartunullu sammitinneqarput arnat ajornartorsiutaat, naartunaveersaarneq, meeqqat tunissutit, meeqqanik perorsaaneq, timigissarneq, nerisassat peqqinnartut, kigutit nakkutigineqarnerat, meeqqat sunnernissaat, arnat pisinnaatitaaffii, aaqqiagiinngissutinik qaangiiniarneq, ilaqutariinni nakuuserneq, ilaqutariinni imigassartorneq aammalu arnat attaveqarfeqarnerisa pingaaruteqassusia.

Højskolimik siunertaasimavoq arnat arnat inuunerannik pitsaanerusumik paasitinnbissaat, aammattaarli attavinnik pilersitsinissaq, tassani arnat kingorna imminnut ikiorsinnaallutik tapersersorsinnaallutillu.

- Kiisalu kissaatigisimavarput ulluinnarnit atugaannit pitsaasumik misigisaqartissallugit allamillu sammisaqartilaassallugit, Karen Marie Hougård oqarpoq.

Zonta nunani tamalaani arnat kattuffigaat, arnat nunap iluani nunanilku tamalaani ineriartornerisa tapersersornerannik pisinnaatitaaffiinillu suliniuteqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER