Skip to main content

Tasiilarmiuaqqat prinsessemut pulaassapput

Meeqqat Tasiilami Alivarpiup 6. klassianeersut tullianik sapaatiuppat prinsesse Benedikte pulaarlugu Amalienborgimukassapput.

Meeqqat illoqarfiit ikinngutigiit Gentoftep Tasiilallu ukiumoortumik paarlaasseqatigittarneranni Danmarkimiipput.

Meeqqat sapaammi septemberip 26-ianni Amalienborgimukarlutik prinsesse Benedikte ilassiartussavaat. Meeqqat Tasiilameersut qaammat naammatsillugu Gentoftemiikkaangamik prinsesse Benediktemut pulaartarnerat ileqquulersimavoq.

Tasiilarmiuaqqat septemberip aallartinnerani Gentofteliarsimapput oktoberillu aallartinnerani angerlaqqittussaallutik.

Meeqqat 6. klassimi atuartut qallunaatut ilinniariartorlutik qallunaallu kulturiannik paasisaqariartorlutik Danmarkimiittarput, Danmarkimiinnerminnilu qallunaatut ilinniartinneqartarlutik.

Tasiilamut uteqqikkunik Danmarkimi misigisimasatik tunngavigalugit sapaatip akunnera naammatsillugu sammisaqarumaarput.

Upernaap ingerlanerani qallunaaqqanik ulluni qulini paasisassarsiortussanik Tasiilamut tikittoqarumaarpoq. Taakkulu atuarfimmi akunnernik sammisaqaqateqarlutillu kalaallit kulturiannik qanimut paasiniaajumaarput.

– Taamatut naleqarluartumik suleqatigiittarneq najukkatsinnut sunniulluartartorujussuuvoq. Meeqqat angerlarsimaffimminniinnginneq ilinniartarlugulu kulturi alla misigisaqarfigisarpaat. Tamannalu inuunerminni allaat ilinniarnertuunngorniarfimmut pissagaluarunik iluaqutissarsiffigisarlugu, Tasiilami atuarfiup pisortaa Jørn Holbech sermsooq.gl-imut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER