Uummannaq nutaamik ultralydsscanner-ertaarpoq
Danmarkimi aningaasaateqarfiup aningaasaliineratigut Uummannap napparsimmavia nutaaliaasumik ultralydsscanner-rtaarpoq.
Astrid og Peter Justesens Fond nutaamik ultralydskannereraarnissamut aningaasaliisuusimavoq.
Taassumap scanneri pisoqaq ukiunik arfineq marlunnik pisoqaassusilik, ullutsinnut naleqqukkunnaarsimasoq napparsimmavimmi atorneqartoq taarsissavaa.
– Nutaamik scannerertaarnikkut nassakkut, sakissatigut toqqusaatsiguulluunniit svulstit paasiniaarneqarnerusalissapput taamalu piaarnerusumik katsorsarneqartalissallutik, nakorsaqarfimmi nakorsaaneq Annie Kerouedan oqarpoq.
Atortoq nutaaq naartusunut aamma iluaqutaassaaq, naartut siusinnerujussuakkut erseqqinnerusumillu assilineqarsinnaalissammata.
Scannere »doppler-imik taaneqartartumik atortoqarmat taqqat naartullu anaanaminnut attavii erseqqissumik takutinneqartalissapput aammalu 3d-usumik assiliissutaasinnaalluni.