Skip to main content

Paamiut Asasara pillugu ataatsimiinnersuaq

Paamiutni inoqutigiit tamarmik qaaqquneqarput suliniutip Paamiut Asasarap 2010-mi ingerlasimanera nalilerneqassalluni tallimanngornermiit sapaammut.

Paamiut Asasarap ukiut tamaasa ataatsimeersuartitsinerani aappagussamut aalajangersimasunik qulequtassaq aalajangerneqarpoq. 2010-mi qulequtaavoq 'Yes we can (aap pisinnaavugut) – Paamiuni inuusuttuuneq'.

2011-mullu suliniutissatut qulequtsiunneqarput 'atugarissaarnissamut siuariartornissamullu ilinniartitaaneq' kiisalu 'inuussutissarsiutinik piorsaaneq', aqutsisut siulittaasuat Aaja Chemnitz Larsen aamma siulittaasup tullia Heidi Jeremiassen nalunaarput.

Paamiut Asasarami ilisimatusarnerup killiffia isumasioqatigiinnut aamma saqqummiunneqassaaq.

Avataanit isumasioqatigiinnissamut peqataaqqullugit qaaqqusat Paamiunilu innuttaasut kikkulluunniit piumasut isumasioqatigiissapput.

Ukioq manna ataatsimeersuarnissaq aatsaat taama amerlatigisut peqataaffigisassaat ingerlanneqassaaq. Illoqutigiit tamarmik ataatsimiigiaqqussummik allagarsereersimallutik.

Avataanit qaaqqusat ilagaat ilisimatooq Gordon Knox, Californiami ilisimatusarfimmi Stanfordimeersoq. Gordon Knox nunani tamalaani ilisimaneqarpoq suliffeqarfiit eqqumiitsuliortartullu suleqatigiissinnerisigut ineriartortitsinermik pilersitsisarmat.

Isumasioqatigiinnissaq aalakoornartortaqanngitsumik tusarnaartitsinermik tallimanngornermi timersortarfissuarmi aallarnerneqassaaq, nipilersortorissallugit nunatsinni nipilersortartut nuannarineqarnerpaat ilaat ZIKAZA.

Paamiut Asasarami aqutsisoqatigiit suliniutip nunatta sinneranut qanoq siaruarneqarsinnaanersoq isumaliutersorfigissavaa, taamaasilluni nunatsinni inuit ulluinnarni qanoq pitsaanerulaartumik inuuneqarsinnaanerannik Paamiut Asasarami misilittakkanit innersuussuteqassallutik, Aaja Ch. Larsen Heidi Jeremiassenillu allapput..

Paamiut Asasara suliniutaavoq najukkami pimoorussinikkut inuiaqatigiinnik ineriartortitsinermut

tunngasoq. Suliniut suliniutinik najukkami innuttaasunit aallartinneqartunik suliarinninnermik

ilinniarnermik tunngaveqarpoq. Suliniut Kommuneqarfik Sermersuumit kiisalu Namminersorlutik

Oqartussanit il.il. tapiissuteqarfigineqarluni Bikubenfondenimit katillugit ukiumoortumik 1,6 mio.

kr. missaanik aningaasalersorneqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER