Skip to main content

Qatanngutinnik nakkutilliisuunngilanga

Naalakkersuisooqatigiit atasinnaassuseqarnerat Siumup takujuminaatsippaa.

– Naalakkersuisunut siulittaasuuvunga, Demokraatinuunngitsoq, naalakkersuisooqatigiinni politikkikkut ataqatigiissoqarneranut Siumup apeqqutaanut Kuupik Kleist akilluni oqarpoq.

Inatsisartut ukiakkut ataatsimiinnerminni pingasunngornerit tamaasa akunnermi ataatsimi apeqqarissaartassapput, siulliullunilu apeqqarissaarfigineqarpoq Naalakkersuisut siulittaasuat Kuupik Kleist.

– Qanoq isilluni partiip socialistiskiusup Inuit Ataqatigiit Demokraatit politikkeqartut "Nikorpasinnaanngitsut uppeqilik" isersimaqatigisinnaavai, Siumumeersoq Karl Lyberth aperivoq, taannalu isumaqarpoq Siumut IA-lu politikkimikkut qaninnerujussuusut partiinit naalakkersuisooqatigiinnit pingasuninngarnit.

– Suliassarinngilara partiit ataasiakkaat oqaaseqartuisa oqaasii aaqqissuutissallugit, suliassaraarali Naalakkersuisut politikkiannut isummernissaq, Kuupik Kleist akivoq.

Siutit tusaasut

– Partiit pingasut tamarmik immikkut ilisarnaatillit naalakkersuisooqatigiipput, naalakkersuisooqatigiinnissamilli isumaqatigiissummi ataatsimut politikkissarput nassaarisimavarput. Siumut Demokraatinut apeqqutissaqaruni taava Demokraatit aperissavai. Siumut Naalakkersuisut politikkiannut apeqqutissaqaruni takanna aperiniarsringa.

– Aammalu Karl Lyberth, nunaqarfinnik matooraanissaq Naalakkersuisut politikkerinngilaat, naluneqanngitsutulli siutut qanoq tusaanerat apeqqutaavoq, Kuupik Kleist oqarpoq.

Akerlianik Kuupik Kleistip nuannaarutigaa Siumut misigisimammat Inuit Ataqatigiinnut qaninnerulluni:

- Taamaappammi 2011-mut aningaasanut inatsimmut akuersilluni taasinissaq Siumumut ajornarnavianngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER