Skip to main content

Siulitit issittormiut pillugit tusarnaariarit

Ilisimatuut ukioq manna Qajaanut itsarnisarsiorsimasut naapikkit. ´Soraarnermi naapikkiartukkit´ DNA-mik ilisimatooq Eske Willerslev, itsarnisarsiooq Hans Lange kemikerilu Henning Mathiesen.

Ilulissat kangerluata allaffia sapaatip akunnerani tullermi ´soraarnermi naapitsinermik´aaqqissuussissaaq, tassani DNA-mik ilisimasalik Nationalmuseum-imeersoq oqalugiassalluni, ilaatigut ilisimatusarnini oqalugiaatigissallugu, tamatumuunakkut paasisimagamiuk kalaallit Siberiamit kingoqqisuusut.

Tamanna pissaaq pingasunngornermi aggustip 18-ianni nalunaaqutaq 16.30 kulturip illorsuata Sermermiut ataatsimiittarfiani, tamatumanilu aamma Hans Lange, Kalaallit Nunaata Katersugaasivia Allagaateqarfialu-meersoq 1980-ikkunni itsarnisarsiorlutik assaanerminnit misigisaminik oqaluttuassaaq.

Tamatuma saniatigut Henning Mathiesen Danmarkimi Nationalmuseum-imeersup oqaluttuarissavaa sooq Qajaa ulorianartorsiornersoq, aammalu qanoq isilluni inoqarfiusimasoq ukiuni tulliuttuni nakkutigineqassanersoq.

Qajaa, Ilulissat kangerluata kujataa'tungaaniittoq, qanga inoqarfiusimavoq. Tamanna itsarnisarsiuunut nalissaqanngitsuuvoq, nunatta itsarsuaq oqaluttuassartaanik kulturinillu pingaarnerusunik pingasunik, Saqqaq, Dorset aamma Thule-kulturimik, imalik.

Unillatsiarnermi kaffeqassaaq. Ataatsimiititsineq qallunaatut ingerlanneqassaaq ilisimatuut qallunaatut oqaluttuummata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER