Skip to main content

Annoncinik iluanaarniapiluit sianigikkit

Annoncinik iluanaarniapilunnik psaritinnaveersaarit.

Danmarkimi annoncinik iluanaarniapiluit akiorniarneqarput ilatigut Dansk Annoncørforeningimit, Dansk Oplagskontrolimit aamma Håndværksrådetimit. Amerlanerusut allat suleqatigalugit ilaatigut website www.annoncehajer.dk pilersissimavaat, tassani annoncinik iluanaarniapilunnit qanoq isilluni pisaritinnaveersaarnissamut siunnersuutinik inassuteqaatinillu saqqummiussillutik.

Annoncinik iluanaarniapiluit amerlanerpaartaat suli nunani allaniittuupput. Nunamili maani, sapaatip akunnerani kingullermi Sermitsiami allaaserisatsitut, ingerlatsiveqarpoq inuinnaqarlunilu angerlarsimaffimminnit taamatut ingerlatsiniarsarisunik, ilaatigut qularnartumik tunngavilimmik annoncinik atorfinnullu annoncinik tuniniaaniartartunik. Tamanna pigajuttarpoq tusagassiornermik ingerlatsivinni soorlu atuagassiani internettimullu isertarfinni imaluunniit quppernerni nittartakkani, atorfinnik inuttassarsiukkanik. Mianersortariaqarpoq eqeersimaartariaqarlunilu, ajortut ajunngitsullu immikkoortinniassagaanni. Nunami maani annoncinik iluanaarniapiluit aaqqissuussaasumik akiorniarneqanngillat, uukapaatinneqarusunngikkaannili nammineq annertuumik iliuuseqartoqarsinnaavoq.

Uppernarsaat

Tunisassianik neqeroorfigineqaruit pingaaruteqarpoq tamatigut paasissutissanik uppernarsaatinillu pissarsiniartarnissat. Pingaartumik annoncit atorfinnullu annoncit eqqarsaatigalugit. Internettimi tusagassiorfiit pimoorussisut tamarmik ilisimasallit sullissiviinut attuumassuteqartarput, quppernermut pulaartunik kisitsisartunik. Tamakkua pinissaat qinnutigisinnaavat. Aammattaarli nammineq nettimi immikkut uppernarsaatissaarsiorsinnaavutit. Pisuni amerlanerpaani quppernermut pulaartut amerlassusaannik eqqoriaatit il.il. ujarsinnaavatit, annoncinik atorfinnullu annoncinik neqeroorutigineqartunik misissuissaguit. Pulaartut amerlassusaat eqqoriaanerinnaagaluartut website-mut pulaartut amerlassusaat nuannarineqarneralu paasisaqarfigisinnaavatit.

Sermitsiami sapaatip akunnerani uani saqqummersumi annertunerusumik atuarsinnaavat internettimi pulaartut amerlassusaannik akeqanngitsumik qanoq isillutit paasiniaasinnaanerlutit. Aamma nunatsinni tusagassiorfiit iserfigineqarnerpaasartut allattorsimaffiat takusinnaavat, aammalu qanoq isillutit annoncinik iliuanaarniapiunnit pisarineqanngissinnaaninnut siunnersuutitsialannik atuarsinnaallutit.

Sermitsiaq nr. 32-imi annertunerusumik atuarit.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER