Skip to main content

Lene Espersen peerserinarneqartoq

Konservativeni kredsimi siulittaasut arlallit inatsisinik atortitsinermut ministeri Lars Barfoed, maanna nunatsinniittoq, nutaamik pisortartaarerusuppaat.

Konservativeni kredsimi siulittaasut isertorluinnartumik Lene Espersen peersinniarsaraat partiillu nutaamik siulittaasortaarnissaa sulissutigalugu. B.T. malillugu tamakkua inatsisinik atortitsinermut ministerimut Lars Barfoedimut saaffiginnissimapput kajumissaarlugulu partiimi pissaanermik tigusinissaminut piareersaqqullugu.

Siulersuisuunerni ilaasortaasimasoq Peter Norsk ukiuni 35-ini ilaasortaareerluni sapaatit akunnerisa arfinillit matuma siornatigut partiimit anigami Lene Espersen taavaa ajornartorsiuterujussuartut, oqarlunilu periuseqarnissamut piginnaasaqanngitsoq. Naliliineq tamanna kredsinut siammaatipallassimavoq Lene Espersen nunanut allanut ministeritut upernaaq issittumi ataatsimeersuarnermi peqataanngimmat.

Maannakkorpiaq sunit tamanit utaqqimaartoqarpoq, kredsimili siulersuisut arlallit partiip siuttuanik tatiginnikkunnarsimapput, qinersisartunillu isumasiuinermi partiip siuttuata partii siuliminit Bent Bendtsenimit amerlanerusunit nuannarinnilersissimanngilaa.

- Amerlaqisut isumaqarput Lene qinersinermi tullermi peersinneqassasoq nutaamillu siulittaasortaassasugut. Sumi tamani isussukuluttoqarpoq, konsevativet Sjællandimi siulittaasua B.T.-mut oqarpoq, oqarlunilu politikkikkut ineriartortoqannginnera pakatsissutigalugu.

Aviisi malillugu neriuutaarunneq ima annertutigaaq konservativet folketingimi gruppiata oqaluuserilerlugu kina taartaassanersoq.

B.T. malillugu ataasiakkaat oqarsimapput siulittaasunngortoq tassaassanngitsoq inuussutissarsiornermut aningaasaqarnermullu ministeri Brian Mikkelsen.

Peqqissutsimut ministeriusimasup Jakob Axel Nielsenip Lene Espersenip peersinneqarnissaa tapersersorpaa. Aviisi malillugu taassuma taartaasussatut Lars Barfoed tikkuarsimavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER