Skip to main content

Pisissimik qarsumillu umimmanniarneq

Umimmannik marlunnik pisaqarneq filmiliarineqarpoq - filmiliat piniarnermut nutaamut uppernarsaatitut ilaassapput.

Namminersorlutik Oqartussat suleqatigalugut outfitteritut ingerlatsivik Major Hunting Greenland misiliilluni pisissimik qarsumillu umimmanniarsimavoq, taamatut quppernermini nittartakkami allappoq Danmarks Jægerforbund.

- Siunertaasimavoq paasiniassallugu pisisseq uumasunut angisuunut umimmattut ittunut atussallugu naammattumik sakkortussuseqarnersoq naleqqunnersorlu, Tobias Gredal Major Hunting Greenlandimeersoq oqaluttuarpoq.

Qallunaat pisissimik piniartartut marluk, Helge Brummer aamma Brian Lisborg, piniariaatsimik misiliisuupput. Helikopterimik qooqqumut Kangerlussuarmit 25 kilometerinik ungasissusilimmut timmissunneqarput. Filmiliortoq, tyskeq aallaaniartartoq, nunaqavissoq Tobias Gredalilu ilagalugit umimmappassualimmut tammaarsimaffilerput.

Brian Lisborg pisaqaqqaartuuvoq.

Qarsup uumasup 350-400 kiilunik oqimaatsigisup puai illugiit putuvai uummataatalu qullersaa eqqorlugu. Brianip qarsoq aatsaat aallartittussaavaa filmiliortoq piareerpat. Periarnera filmiliuutinik marlunnik filmiliarineqarpoq, tassa Tobias Gredal aamma filmiliuuteqarmat.

- Pisissimik qarsumillu uumasunik piniagassarpassuanrik pisaqartarsimavunga, aatsaallu uumasumik taama sukkatigisumik toqusumik takuvunga. Qarsup torrallaanera pissutigalugu aava uummataanit sukkasoorujussuarmik aniavoq. Umimmak sekundini arfineq-pingasuni meterit arfinillit pingasoriarluni alloriarpoq uppillunilu, nikeriaqqinngivillunilu.

Piumasaqaat alla tassaasimavoq filmiliorneq unitsiallanneqassanngivissoq imaluunniit filmiliaq qiorneqassanngitsoq, piviusut allanngortinneqarsinnaammata. Taamaattumik filmiliuutit piniarneq tamaat ingerlapput.

Helge Brummerip kingorna angutikulooq nukittooq pisaraa. Tamatumuuna qarsup siulliiatigut talerperlikkut eqqorpaa, sakiaa atuarlugu siulliianullu saamerlermut unilluni. Aamma tamatumuuna puai marluullugit ummataalu eqqorneqarput. Angutikulooq taanna uppinnginnermini 131 meterinik pangalippoq.

- Tamannali aamma aallaammik eqquinikkut misigineqarsinnaavoq, tupaallannartoqanngilarlu, Brian Lisborg oqarpoq, pisiarnermilu tassani filmiliuutit pingajuannik taanna filmiliorpoq.

- Piniarneq suliniullu iluatsilluartutut isigaakka! Torrallaalluta marlunnik piseriarpugut tamarmillu filmiliareqqissaarneqarput. Taamaasilluni namminersorlutik oqartussat aalajangiinissaminnut peqqissaartorujussuarmik tunngavissaqalerput, Brian Lisborg isumaqarpoq, taassumalu naatsorsuutigaa filmi sapaatip akunnerani tullermi naammassissasoq. Danmarks Jægerforbundip quppenerani nittartakkami allaaserisaq malillugu namminersorlutik oqartussat paasissutissiipput nalunaarut nutaaq 2011-mi piariissasoq, tassanilu pisissimik piniarnermut apeqqut ilaatinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER