Timmisartut assartuutit silarsuarmi annersaat Kujataanut qanittumi ajaornartorsiortoq
Russit pigisaat AN-124-100 motorilliorluni Canadamiit Tysklandimut aqqunni allanngortittariaqarpaa.
Timmisartut assartuutit silarsuarmi annersaat russit pigisaat Aviakompania Antonov AN-124-100 sapaatip akunnerata siuliani Kujataata nalaani motorilliulerpoq.
Taamaalinerani timmisartoq arfinilinnik inuttalik Canadami Goose Bay-miit Tysklandimi Frankfurtimut ingerlaarpoq, Irish Times allappoq.
Motorip ajoqutaa sumiittoq paasineqarmat inuttat Atlantikup avannaatigoortillutik motoirip ilaa taanna qamittariaqarpaat. Timmisartup naalagaata kingusinnerusukkut tamanna »uuliap naqitsinikippallaarnera«-nik taavaa.
Tamatuma kingorna timmisartoq Shannon-lufthavnimut Irlandip kimmut avannaaniittumut mittariaqalerpoq. Timmisartup naalagaata minneq ajutuulerluni minnginnerunerarpaa, Irlandimili sinerissamik nakkutilliisut nalunartut pillugit sumiiffimmi aalisartut qanoq pisoqaratarsinnaaneranik ilisimatereersimagaluarpaat.
Antonov 124 Shannonimi mittarfimmut mikkami timmisartupiluunersuup mittarfiup takissusia tamaat - 3,2 kilometerit - uninninnisami tungaanut atortariaqarsimavaa, Irush Times allappoq.