Greenpeacep akerliuniarnera putsumit ajoquserneqarpoq

Uuliamik ujaasisup Cairn Energyp misiliilluni qilleriffiata eqqaa isikkiviluppoq. Qillerineq avatangiisinik illersuiniaqatigiiffiup unitsinniarpaa.

Greenpeacep umiarsuaa Esperanza qaammat sinnerlugu Cairnip ujaasiffianiinnissaminut piareersimavoq. Assi toqqorsivimmit, Greenpeacep Svalbardimi akerliuniarneranit.

- Inatsisinik unioqqutitsisimanermik nalunaarfigineqanngilanga, Nuummi politimesterip tullia Morten Nielsen oqarpoq, taassumalu Baffinbugtimi Greenpeacep umiarsuaata Cairn Energy-llu umiarsuaata qillerissutip akornanni pisut pissangalluni malinnaaffigai. Umiarsuaq selskabip ujaasiffianit Siggummit suli 500 meterinik ungasissusilimmiippoq. Greenpeacemit akerliuniartut killeqarfik taanna qaangerpassuk politiit erseqqissaasimapput umiarsuaq akerliuniartoq - qularnanngitsumik Danmarkimi frømandskorpset ikiortigalugu - ikiffigineqassasoq inuttallu tigusarineqassasut.

Avatangiisinik illersuiniaqatigiiffik imaani nilleqisumi qanoq iliuuseqarniarnersoq pissutissaqarluarluni ilisimaneqanngilaq. politiken.dk malillugu tamanna pujortorsuuvoq, pujorneralu pissutigalugu iliuuseqarniarnerit uninngatinneqarput. Greenpeaceli piffissaqarluarpoq. Grreenpeacep umiarsuaa Esperanza tamaaniiginnarnissaminut piareersimavoq, ukioq manna qillerinerup oktobarip aallaqqaataata missaani naammassinissaata tungaanut.

Powered by Labrador CMS