Skip to main content

Qaasuitsup Kommunianut arfattassat marluk

1986-imiilli siullermeersumik Qaasuitsup Kommunia qipoqqartassinneqarpoq, tassa nunat tamalaat Hvalfangstkommissioniannit Kalaallit Nunaannut qipoqqartassiissutit qulingiluat ilaat marluk kommunimut tunniunneqarmata.

Qipoqqartassat maanna agguaanneqarput, Qaasuitsup Kommunia paasissutissiivoq.

Kangaatsiamit, Aasiannit, Qeqertarsuarmit Ilulissanillu 11-nik qinnuteqartoqarsimavoq. Arferit angisuut illersorneqarnissaannik piniarneqarnissaannillu Namminersorlutik Oqartussat nalunaarutaanni nr. 11-mi, 16. juli 2010-meersumi piumasaqaatit tamarmik naammassivaat.

Borgmester Jess Svane-p (S) qinnuteqartut akornanni makitsivoq nakkutilliisoralugit borgmesterip tulliata aappaa Bendt B. Kristiansen (IA), aamma Pisuussutinut Uumassusilinnut Ataatsimiititaliap siulittaasua Jens Danielsen (S), telefonikkut peqataasoq.

Nalunaarut malillugu qipoqqarmut ataatsimut angallatit ikinnerpaamik marluussapput.

Makkua qipoqqarniarsinnaasutut makinneqarput:

Qipoqqaq ataaseq pisarineqarsinnaavoq ukunannga: "Aliparaq", v/Otto Mathiesen, Ilulissat

”Nilaq”, v/Kristoffer Fly, Ilulissat

Qipoqqaq ataaseq pisarineqarsinnaavoq ukunannga: "Ninni Nuka", v/Erneeraq Jerimiassen, Aasiaat, "Asimio", v/Mikael Jerimiassen, Kangaatsiaq

Qinnuteqartut sinneri makinneqarneri tulleriiaarlugit sinniisussamaatitut inissinneqarput. Qipoqqartassiissutit aqagumiit aggustip 31-ianniit decembarip 31-iannut 2010 piniarneqarsinnaapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER