Skip to main content

Kuupik: Issittumi sakkutooqarfik nunatsinniissaaq

Issittumi sakkutooqarfissap inissisimaffissaanik oqallinneq naalakkersuisut siulittaasuata Kuupik Kleistip ullumi aallarnerpaa.

- Issittumi sakkutooqarfissaq soorunami Kalaallit Nunaanniissaaq, issittumi isumannaatsuunikkut unammilligassat pillugit ullumi Københavnimi tusarniaanermi Kuupik Kleist oqarpoq.

Nunallu iluani pissutsit pillugit oqallinnermut toqqaannartumik akulerutinngikkaluarluni Kuupik Kleist isumaqarpoq sakkutooqarfissaq inissinneqartariaqartoq "sumiiffimmut inuinnarnut tunngasunik suliassaqarfiunngitsumi", tusarniaanerup kingorna Sermitsiamut oqarneratut.

- Akunnaannerpaamut inissinniassavarput, nangilluni oqarpoq.

Sakkutooqarfissap Nuummut inissinneqarnissaa piukkunneqarnersaavoq, tassa Kalaallit Nunaanni suliassat amerligaluttuinnartut pissutigalugit, sakkutuut inuinnaallu oqartussaasuisa akornanni qaninnerusumik suleqatigiinnissaq pisariaqarmat. Umiarsuarnik angallannerup annertusinera pissutigalugu, takornariartaatinik assartuunillu, aammattaarli ilaatigut uuliamik ujaasinermik soqutiginninnerup annertusinera pissutigalugu.

Københavnimi ullumi tusarniaanermi Kuupik Kleist oqalugiarnermini ersarilluinnartumik oqaluppoq. Peqataasut ilagaat savalimmiuni nunanut allanut tunngasunut naalakkersuisoq Jørgin Niclasen. Nunat taakkua marluk, nunatta Savalimmiullu, issittumi sakkutooqarfiup inissisimaffissaa pilernguppaat.

- Kalaallit Nunaanni inissisimanissaa pissusissamisoorpoq, neriuppungalu savalimmiormiup naalakkersuisooqatimma tamatumani isumaqatigigaanga, Kuupik Kleist ullumi tusarniaanermi oqarpoq.

Immaqali taakkua marluk isumaqatigiivinngillat. Niclasenimmi naalakkersuisut siulittaasuata siunnersuutaa oqaaseqarfiginngilaa.

Arfininngormat folketingip illersornissamut ataatsimiititaliaa sapaatip akunnerani ataatsimi nunatsinni angalanissani aallartissavaa. Ataatsimiititaliap ilaatigut issittumi sakkutooqarfissap inissiffigisinnaasaanut periarfissat misissussavai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER