Skip to main content

Nunanit tamalaanit nunarput soqutigineqaqisoq

Naalakkersuisut siulittaasuat Kuupik Kleist nunat tamalaat tusagassiortuinit apeqqarissaarfigineqartorujussuuvoq, Folketingimi tusarniaanerup kingorna ullumi Københavnimi Internationalt Pressecenterimi tusagassiortunik katersortitsinermi.

Tusagassiortunik katersortitsineq aallarnerlugu Kuupik Kleistip Kalaallit Nunaat tuluttut sivikitsumik ilisaritippaa, tamatumalu kingorna tusagassiortunit 20-t sinnilinnit Norgemeersunit, Sverigemeersunit, Tysklandimeersunit, Schweizimeersunit, Tuluit Nunaanneersunit Kinameersunillu apeqqarissaarfigineqarpoq.

Apeqqutit ilaanni sammineqarput misileraalluni uuliamik qillerinerit, Cairnip gas-imik nassaarnera Mexicop Kangerliumanersuani uuliaarluernersuarmut sanilliullugu, aammalu Greenpeacep umiarsuaata Esperanza-p nunatsinni iliuuseqarniarneranut qanoq isumaqarnersoq.

- Unikaallattariaqarpugut tipaatsuppallaarniarnatalu. Misiliilluni qillerinissat sisamat siullersaanni qallorlugu akilersinnaasumik uuliaqarnersoq suli qularnaarneqanngilaq, Kuupik Kleist oqarpoq.

Kuupiup tikkuarpaa Cairnip qillerinera nunatta oqaluttuarisaanerani qillerinerit arfineq-pingajussarigaat, 1970-ikkullu aallartinneranni Nordsømi 250-eriarluni qillerinermi aatsaat uuliamik nassaartoqarsimasoq. Taamaattumik pingaaruteqarpoq isumalluarpallaannginnissaq.

Naalakkersuisut siulittaasuata tusagassiortunut aamma erseqqissarpaa uuliamik ujaasinermut atatillugu avatangiisit isumannaatsuunissaat eqqarsaatigalugu Kalaallit Nunaata akisussaassutsini ilisimalluaraa.

- Pissutsinut piareersaqqissaarsimavugut aammalu aningaasarsiorneq, ingerlatsineq avatangiisillu pillugit ilikkagaqarsimalluta. Norskit malittarisassaat nunarsuarmi sakkortunerpaajusut Kalaallit Nunaata malippai. Qillerinermut pissutigalugu Canadap isornartorsiorsimavaatigut, sanilittali malittarisassat taamaattut maanna atuutilersissimavai, Kleist oqarpoq.

Greenpeace pisut ilaanni paasigaluarlugu Kleist malillugu avatangiisinik illersuiniaqatigiiffik, siusinnerusukkut pikkorliorsimasoq, oqaqqissaariniaraluartoq kalaallit inuiaat nalunngilaat nunatsinni eqqaanilu pinngortitap pisuussutaanik atuineq ulorianartortaqarsinnaasoq.

- Namminerminimi takussutissaagunarpoq Nuummi Greenpeacep innuttaasunik ataatsimiititsiviata saavani inuit 200-t akerliussutsimik takutitsimmata, inuit 20-iinnaat ataatsimiititsinermi peqataasut. Greenpeacep oqaluttuarisaanermi kinguneqarnerlutsitsisarnera inuit qatsuppaat, Kleist oqarpoq puisit eqqaanngikkaluarlugit.

Tusagassiortunik nunanit tamalaaneersunik katersortitsineq pillugu Sermitsiami annertunerusumik atuarit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER