Skip to main content

Uranimik aallakaatitassiaq KNR-p takutissavaa

Sapaatiuppat unnukkut aallakaatitassiaaq "Urani aatsitassarsiornerlu" KNR-TV-kut aallakaatinneqassaaq. Aallakaatitassiaq naalakkersuisunit "innuttaasunik paasissutissiivneruvoq".

KNR-TV-p sapaatiuppat nalunaaqutaq 20 aallakaatitassiaq aallakaatitassaa "Urani aatsitassarsiornerlu" naalakkersuisunit innuttaasunut paasissutissiineruvoq.

Taamatut Sermitsiaq.AG-mut erseqqissaavoq Namminersorlutik Oqartussani paasissutissiinermut pisortaq Emma Kristensen, taassumalu maanna aallakaatitassiaq naammassiniarlugu ulapputigaa.

Aallakaatitassiaq "Urani aatsitassarsiornerlu" pillugu KNR-imi paasissutissaqanngilaq, tassanga Emma Kristensenimut innersuunneqaannarpugut.

Sermitsiaq.AG-p paaserusussimagaluarpaa aallakaatitassiap tusagassiornikkut suliarineqarnera, tassa pineqartoq mianernartuummat inuiaqatigiinnik avissaartitsisoq. Aamma politikerit akornanni.

KNR naalakkersuisullu urani pillugu aviisi assuaraat

KNR-erpiaap - pisortaq Ivalo Egede aqqutigalugu - qaammatip aallartinnerani Greenland Minerals and Energy (GME) saassuterujussuarpaa, aatsitassarsioqatigiiffiup Narsap eqqaani uranimik piiaanissaq pillugu aviisi ussasssaarut "Kuannersuit News" illunut tamanut agguaanneqareersoq.

Tassani allaaserisaq ilanngunneqarsimavoq KNR-imit tillinneqarsimasoq, tamannalu pissutigalugu KNR-p pisortaata aviisip periusaa mamiagaa.

- Isornartoqartorujussuuvoq GME-p KNR akuersiteqqaarnagu allaaserisaqGME-p aviisianut ussassaarummut ilanngussimammagu KNR imassaanik pilersuisutut isikkoqalersillugu, taamanikkut Ivalo Egede oqarpoq.

Aamma Naalakkersuisut sukkasuumik nalunaarput aviisi selskabip Kuannersuarni suliniutillip, tassalu Greenland Mining and Energyp, kisimiilluni sanaarigaa, naalakkersuisullu "Kuannersuit News"-imut attuumassuteqanngitsut.

Qilanaarsaat

"Urani aatsitassarsiornerlu" aallakaatinneqarnissaanut qilanaarsaammi KNR allappoq: "Nunami maani oqaluuserineqartuarpoq atortussiassat uranimik akullit piiarneqassanersut. Oqallinneq ukiuni kingullerni sakkortiuseqqissimavoq, Inatsisartullu ukiaq manna aalajangiissapput uranimut akuersaannginnermnik pineqartartoq attatiinnarneqassanersoq. Aallakaatitassiaq naalakkersuisunit innuttaasunut paasissutissiissutaavoq."

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER