Skip to main content

Kunngissakkut 'Eksperimentet' takuteqqaarnerani peqataassapput

Kunngissaq Frederik aamma Kunngip nuliassaa Mary Dagmar Biografimiissapputfilmi sapaatip akunnerata naanerani Danmarkimi takuteqqaarneqassappat.

Ingerlavissaq aappalaartoq sukujuiarneqarpoq, ilullissarlu manissaqqinneqarluni. Arfininngorpammi filmip 'Eksperimentet' Danmarkimi takuteqqaarneqarnerani akimasuut takkuttussaapput. Kunngissakkut nuliilu Københavnimi filmip takuteqqaarneqarnerani peqataassapput.

Taamaalilluni ilitsersuisup Louise Friedbergip filmiliaa saqqumilaartinneqassaaq, tamannami neriuutigisimavaa qallunaat kalaalillu akornanni oqallinnissamik pilersitsissasoq neriuutigigamiuk. Kunngissakkullu periarfissaqassapput nunatsinnut soqutiginnittuunertik erseqqissassallugu. Kunngikkormiut saqqumilaartinneqartuaannarput.

Takuteqqaarneqarnerani akimasuut allat aamma peqataassapput, soorlu Folketingimi nunatsinnut ataatsimiititaliami ilaasortat. Filmip takutinneqarneratigut meeqqat angerlarsimaffianiitinneqarsimasut amerlanerit utoqqartertoqarnissaanik piumasaqartut pillugit politikkikkut nikittoqassanersoq takussavarput.

Ministeriuneq Lars Løkke Rasmussen oqlauttuarisaanerup ingerlasimaneranut ajuusaarpoq, pisortatigoortumilli utoqqatserusunnani. Naalakkersuisut siulittaasuat Kuupik Kleist Danmarkip nunatalu akornanni saammaasseqatigiinnissamik kajumissaarivoq, oqaluttuarisaanermi pisut alianartut pineqartillugit. Socialdemokratit aamma SF isaasserusupput, naalakkersuisullu piumaffigalugit, filiminik naliliisartut ajunngitsumik naliliippata qinersisartullu filimimik isiginnaariakaallutik.

Naluneqangnitsutut kunngikkormiut politikkimut akuliuttussaanngillat. Kisianni filmeriarsinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER