Skip to main content

Ingasattajaarniat qillerivimmiipput

Nutartigaq! Assit nutaat. Qeqertarsuup kitaani 140 kilometerinik avasitsigisumi Cairn Energyp qillerivianut Greenpeace iliuuseqarpoq.

Kalaallit Nunaata sineriaata kitaani uuliaqarneranik takussutissaqartoq uuliasiorqatigiiffik Cairn Energy Tuluit Nunaanneersoq nalunaareersorlu Greenpeacemi ingasattajaarniat qillerinermik unitsitsiniarsaripput, politiken dk allappoq.

Sapaatip akunnerani kingullermi Greenpeace uuliasiorluni qilleriviup eqqaaniippoq umiarsuarmi 'Esperanzami'.

Qilleriviup ungataani 500 meterit isumannaallisaanermut killigititaasut maannakkut qaangerpaat, gummibådenik qilelrivimmukarlutik qallorsimallutillu.

Greenpeacep naatsorsuutigaa taamatut iliuuseqarnermikkut qillerineq unitsissallugu, isumannaallisaanermummi piumasaqaatit imaapput, killigititaasoq qaangerneqartillugu qillerineq unitsinneqassasoq.

Ingasattajaarniat qillerivimmi tupernik ikkussisimapput, Greenpeacelu nalunaarpoq ullunut sisamanut peqqumaatissaqarlutik.

Greenpeacep neriuutigaa uuliasiorluni qillerinerit ima kinguarsartigisinnaallugit Cairn Energyp septembarip naanerani qillerinerminnik unitsitsinissaq sioqqullugu qillerinerissartik naammasisinnaassanngikkaat.

Nunatsinni sakkutooqarfimmiit umiarsuup naalagaa Michal Hjorth naapertorlugu ingasattajaarniat sisamat pineqarput, qillerissutip niuluusaatigut qaqisimasut.

- Gummibåditinnik aanissaannut piareersimavugut, immamut nakkassagaluarpata. Greenpeace ilisimatipparput isumannaallisaanermut killigititaasoq 500 meteriusoq qaangersimagaat. Taakkuli uagut ilisimatippaatigut, ullup ingerlanerani nalunaarutieqarumaarlutik. Maannakkut susoqarnissaa utaqqimaarparput. Ingasattajaarniat peernianngilagut. Tamanna politiit suliassaraat, Michael Hjorth sermitsiaq.AG-mut oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER