Skip to main content

Ilaasussat kinguaattooqqipput

Sapaammi aamma Air Greenland Narsarsuarmut missinnaasimanngilaq, pujut pukkitsut ersernerlunneralu peqqutaalluni, taamaalilluni ilaasussat kujataanukartut kujataaneersullu kinguaattooqqipput.

Arfininngormat timmisartorsuaq Københavnimiit Narsarsualiartoq Kangerlussualiaannartariaqarsimavoq, ilaasullu unnuisariaqarlutik.

Air Greenland sapaammi Jet Time-imiit timmisartorsuarmik attarttorsimavoq, Københavnimiit Kangerlussuakkoorluni Narsarsuamut ilaasussani aalleriarluni Københavnimut utertussamik. Taamaalillutik ilaasussat kinguaattooqqasut ingerlanniarlugit.

Tamannali iluatsinngitsoorpoq. Kangerlussuarmi unnuinikut aareerlugit Narsarsuup tungaanut aallarami, ingerlaartillutik Narsarsuarmi sila ajorteriaqqiinnarpoq, timmisartorsuarlu Kangerlussuarmut uteqqiinnartariaqarsimalluni.

Ataasinngornermut timmisartuussinerit pingasut ikkunneqarput, Dash 7 aamma Dash 8 Kangerlussuarmiit Narsarsualiartussat. Taamaalillutik ilaasut Kujataanukartut apuuffissaminnut apuussinnaalersillugit.

Timmisartorsuarmilli attartuinissat Narsarsuarmiit Københavnimut ingerlasussamik ataasinngornermi iluatsissinnaasimanngilaq, Air Greenland-illu timmisartuussinissai Kangerlussuarmiit Københavniliartut 16-iniinnarnik inissaqarlutik. Taakkua ilaasut 16-it kujataaneersut DASH-imut ilaallutik ullumi ataasinngornermi Kangerlussualiassapput Danmarkimullu ingerlaqqillutik. Ilaasussallu kujataaneersut sinneruttut 110-it Danmarkiliartut marlunngorpat aaneqarumaartut, Air Greenland tusagassiutinut nalunaaruteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER