Skip to main content

Nappaassuaq qaqortoq atugaaqisoq

Meeqqat quliugaangata ataaseq sakialluummik tunillatsissimasarpoq, Kalaallit Nunaat pillugu ph.d.-mik ilisimatuutut allaatigisap takutippaa.

- Ajoraluartumik Kalaallit Nunaanni sakialluummik nappaatillit amerlasoorujussuupput. Sumiiffiit ilaanni tunillanneqarsimasut Indiamisut Etiopiamisullu amerlatigaat. Tamanna innuttaasunut naammaginanngilaq, Danmarkimi Serum Institutimi nakorsaq Bolette Søborg oqarpoq.

Taanna Tasiilamiippoq paasiniarlugu nunaqarfimmi Tasiilamut qanittumi nappaat qanoq isilluni akiorniarneqarsimanersoq. Kingusinnerusukkut Nuummukassaaq, Kalaallit Nunaanni sakialluutip atugaanerata annertussusaa ph.d.-mik ilsimatuutut allaatigisani saqqummiukkiartorlugu.

Allaatigisamini Kujataanit, Tunumit Kitaanillu meeqqat 2.200-t misissorsimavai. Tassa Kalaallit Nunaanni meeqqat 25 procentii.

Bolette Søborg mianersoqqusivoq, pissutigalugu nappaat tuniluukkaluttuinnarmat, nunalli immikkoortuini atugaanera assigiinngitsorujussuuvoq.

Nunatsinni sumi atugaanerpaanersoq Sermitsiami atuaruk. Atuaruk sooq Bolette Søborgip Nunatsinni inunnik katsorsaanermi profylaktisk-imik taaneqartup atorneqarnissaa inassutiginngikkaa, katsorsaariaasikkut tassuuna Afrikami sumiiffiit ilaanni sakialluut piuneerunneqavissimagaluartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER