Aviisit nutaat piumaneqarluartut
Nunarsuarmi tamarmi aviisit tunineqartartut ikiliartuinnarnerat nimaarutigineqartoq Kalaalit Nunaanni ineriartorneq killormorluinnaq ingerlavoq.
Tele Postip siorna nunat allamiut aviisii ulloq taanna saqqummersut Nuummi neqeroorutigisalermagilli tunisartakkat amerleriangaatsiarsimapput.
– Amerlassusai eqqarsaatigalugu tunisartagassatut anguniagarput angusimavarput, taamaasillutalu qaammatit tamaasa aviisit tusintilippasuit tunisarlutigit, Tele Post Erhverv-imi tuniniaanermut pisortaq Salik Hard nassuiaavoq.
Unammillerneq pissutigalugu aviisit tusartakkat amerlassusai oqaatigiumanngilaa.
Pisisartut aamma aviisit tunineqartartut assigiinngiiaartuuppput.
– Aviisit qalipaatigissaartut itisiliinerinerillu tunisarpavut. Tunisaqartarpugullu inuinnarniit ingerlatsivinnut aammalu savalimmiormiunut, finskinut, norskinut svenskinullu nunagisamik aviisiinik pisartagalinnut, Salik Hard erseqqissaavoq.