Skip to main content

Canadamiut Inuit 100-t Sisimiunut tikissapput

Canadami Nunavik-mit inuit inuusuttut 100-t missaanniittut umiarsuarmik immikkut ittumik sapaatiuppat Sisimiunut tikissapput.

Umiarsuaq ´Cruise North Expeditions` Nunavimmi, Quebecip avannaaniittumi, inuit pigaat, siunertaraalu inuit issittup silarsuaanik misigisaqartissallugit.

- Angalaneq mannarpiaq takornariartaatinik angalanernit nalinginnaasunit allaaneruvoq, tassa ilaasut angalanermut nammineq akiliisimanngimmata, tassaavorli inuusuttunik suliniutit ilaat, tassuunakkut Nunavimmi inuusuttut Issittup assigiinngisitaassusianik misigisaqartissallugit aammalu Canadami Kalaallit Nunaannilu inuusuttunik allanik naapitaqartissallugit. Utoqqarnik aamma umiarsuarmut ilaasoqarpoq, tamakkualu kinguuaariiaanit ilisimasaminnik inuusuttunut ingerlatitseqqissapput, tusagassiorfitsigut nalunaarummi ilaatigut allassimavoq.

Umiarsuaq Sisimiunut tikissaaq sapaatiuppat aggustip aallaqqataani nalunaaqutaq 9, ilaasullu illoqarfimmi angalaarunneqassapput. Kingorna ilaatigut kulturip illorsuani Taseralimmi kulturit akuleruussorlugit takutitsisoqassaaq, tassani tivasartut, folkedansertartut, break-dansertartut, inuusuttut kattuffii illoqarfimmeersullu allat peqataassallutik.

Canadamiut nipilersornermik, torlorsornermik qitinnermillu takutitsissapput. Aaqqissuisut erseqqissaatigaat inersuarmi 250-nik issiavilimmi inissat killeqassasut, aaqqissuussinermi peqataasut 150-t missaanniimmata. Iserneq akeqanngilaq.

- Aliikkusersuinerup kingorna break dance-mik hip-hop-imillu workshop-ertoqassaaq, aaqqissuussisoralugu Cruise North Expeditions. Sila ajunngippat kulturip illorsuta silataani ataatsimut qalipakkamik qalipaasoqassaaq, tikeraallu utoqqartaasa Sisimiormiut utoqqartaat naapisimaassavaat Café Taseralik-mi.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER