Skip to main content

Islandimi nukissiornissamut periarfissat illersorniarpai

Islandimiup erinarsortartup Björkip nunani allani aningaasaliisartut Islandimi nukissiorfiusinnaasunik iluaqutiginninniartut akiorniarpai.

Islandimiup erinarsortartup Björkip nunamini pinngortitami isumalluutit aningaasaliisartuniit annaannialerpai, isumaqarami tamakku Reykjavikimi aningaasaqarnikkut ajornartoorneq iluaqutiginiarsarigaat.

Erinarsortartup, taalliortartup isiginnaartitsisartullu 44-nik ukiullip nammineerluni akiorniagaasa ilgaaat Canadas Magma Energy, nukissiorfimmik HS Orka-mik, Islandimi puilasut kissartut atorlugit ingerlasumik tigusinialersimasoq.

– Orka tunineqassappat nunani allani suliffeqarfiit Islandimi imermut pisinnaatitaaffiit isumalluutillu allat tigusinnaanngussavaat akikitsumillu iluanaarutigisinnaanngussallugit, Björk Islandimi tusagassiuutinut arlalinnut oqarpoq.

Björk sapaatip akunnerani uani aamma Helsinkimi Orka pillugu tusagassiortunik katersortitsisoq oqarpoq, canadamiut suliffiutaat Islandimi nukissiornissamut periarfissat allat aamma pisiarisinnaanerlugit misissuisoq.

Canadamiut suliffiutaata oqaaseqartua taamaattoqannginneraavoq, taamaallallu islandimiut suliffiutaannik piginneqataasinnaanerlutik misissuinerarlutik.

– Oqallinneq ingerlanneqartoq puupassaarineruvoq ilumuunngitsortarpassuaqarlunilu, Magmap Islandimi immikkoortoqarfiani pisortaq Asgeir Margeirsson oqarpoq.

Pilersaarummut akerliusut oqaatigaat, Magmap Islandimi ajornartorsiorneq iluaqutiginiarsarigaa, aningaaseriviit 2008-imili ajalusuungajannikuummata.

– Magma nunani Den Internationale Valutafondimit, IMF, ikiorserneqartariaqartuni iluatsitsiniaasarpoq, Björk cadanamiut suliffiutaat, Orkamik 44 procentinik piginneqataasoq, sulilu 55 procentinik piserusuttoq pillugu oqarpoq.

Islandimi naalakkersuisooqatigiit saamerliunerusut tigusinissaq pillugu misissuisitsilersimapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER