Ilisimatuut Tunumi angalanerat malinnaaffigiuk
Raajaqassusia, qaleraleqassusa saarulleqassusialu misissorpaat.
Pinngortitaleriffiup ilisimatusarnermut umiarsuaa "RV Pâmiut" tunup imartaani angalavoq. Ilaasorai inuit 20-t, taakkunannga arfineq-marluk biologit assigisaallu, angalanermilu siunertaavoq tappassuma saarulleqassusiata, raajaqassusiata qaleraleqassusiatalu nalilernissaa. Aamma qaleralinnik elektroniskimik naluaqqutsersuissapput.
Nutaatut angalanermi pisortaq Pinngortitaleriffimmilu biologi Kaj Sünksen angalaneq pillugu aggustip 4-aanniit 22-iannut bloggiliortassaaq.
Ippassaq pingasunngornermi ilaatigut allappoq: Kalaallit Nunaanni umiarsuit ilisimatusaatit annersaat R/V Paamiut atorlugu angalavugut, KGH-p kilisaatitoqaa 1971-imeersoq, 1990-ikkut aallartinneranniit Pinngortitaleriffiup umiarsuaatut misissuiffittut atulersoq. Umiarsuaq umiartullaqqissutut ilisimaneqarpoq, tamannalu ilinniagaqartut uteqattaartarpaat, umiarsuup naalakkersuisarfiani silassamik tusarnaarnerminni imminnut eqqissisaatitut.
Kajip bloggia malinnaaffigisinnaavat uani.