Skip to main content

UUliaarluerneq nakkutigineqarsinnaalerpoq

BP Den Mexicanske Goldimi qilleriviup cementimik matunissaanut akuerineqarsimavoq, Kalaallit Nunaannilu qillerinerit maluginiaqqissaarneqalerput.

Den Mexicanske Golfimi qilleriviup 780 millioner literinik uuliakoorfiusimasup cementimik matunissaanut BP amerikami oqartussaasunit akuerineqarsimavoq. Ajunaarnersuaq taanna pissutaalluni Kalaallit Nunaanni ujaasilluni qillerinerit aamma isiginiarneqalersimavoq, itisuumi qillerinerit ajutoortoqartillugu qanoq iliuuseqarfigiuminaattutut isumaqarfigineqarmata. Ilaatigut Greenpeancep Kalaallit Nunaanni qillerineq unitseqqusimavaa, præsident Obamallu Den Mexicanske Golfimi ajunaarnersuarmut peqqutaasut paasilluarneqarnissaasa tungaanut Alaskami qillerinerit unitsikkallarsimavai.

Uuliasoqatigiiffissuup uuliamik aniasoorneq pingasunngormat unitsimmagu aallarteqqittoqarsinnaalerpoq. Unitsitsinerlu marraq qillerivimmeersoq utertillugu uuliap puilajunnaarsinneqarneratigut iluatsissimavoq, Ritzau allappoq.

Tullianik putu cementimik matuneqassaaq, uuliasioqatigiiffillu tamatumunnga akuerineqarsimavoq.

– Static Kill-ip iluatsinneqarneratigut misiliinerit nalilersorneqarsinnaalermata qilleriviup aserorsimasup cementimik matuneqarnissaa akuersissutigaara, Amerikami sinerisamik alapernaarsiinermi qullersaq Thas Allen ilisimatitsivoq.

‡had Alenilli BP-mut erseqqissaatigaa, cemnetimik matusisoqaraluarpalluunniit isumannaallisaalluni qillerinerit allat unitsinneqassanngitsut, taakkunatigut qillerivik aserorsimasoq matuissorneqartussaammat.

Ajunaarnersuaq uuliamik aniasornerit annersaannik kinguneqartoq qilleriviup Deep Water Horizonip aprilip 20-ianni qaartoorneratigut aallartissimavoq, taamnaikkullu sulisartut 11-it ajunaarput.

Ullut marluk qaangiummata qilleriveqarfik tamarmi uppippoq uulialu akuiarneqanngfitsoq 780 millioner literit ulluni 87-ini piulavoq, jullillu qiteqqunnerani aatsaat BP-mit milikkallarneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER