Aasaanerani viruseqannginnissamut siunnersuutit tallimat
Asaanerani sulinngiffeqarluni angalaarnermi qarasaasiaq angallattagaq nassakattaarneqartarpoq - tamannalu virusinik hackerinilluunniit saassutsinnissamut qaninnerusarpoq.
Qarasaasiaq angallattagaq nassaruminartuuvoq, aasaaneranilu taamaaliortaqaagut. Biilimut, akunnittarfimmut, kaffisorniartarfimmut immaqalu sissamut nassarneqartarpoq. Taamaattumik virusinut hackerinullu qaninnerusarpoq, taama allappoq IT-mik suliffeqarfik BullGuard tusagassiuutitigut nalunaarummi.
Suliffeqarfiup oqaatigaa ingammik pisuni marlunni qarasaasiaq angallattagaq mianernarnerusartoq.
- Angalatillugu attaveqaatit trådløsit neqeroorutigineqartut atornissat ussernartorsiorfiusarpoq - tassanilu ajutoortoqarsinnaasarpoq. Attaveqaatimut isumannaarneqanngitsumut attaveqaraangavit inuit eqqortunik atortoqartut sunersutit malinnaavigisinnaasarpaat, passwordit assigisaallu pissarsiaralugit. Ajutoorsinnaanermut aqqutip aapparaa inuit pisarnermiit amerlanerusut qarasaasiamik angallattakkamik nassartarmata. Ilaquttat, ikinngutit, inuit angalaqatit imaluunniit naapitatit qarasaasiannik atorsinnaasarput. Taamaattumik nittartakkanut sorlernut isernersut taakkulu sunik imaqarnersut aqussinnaanngilaq, BullGuard allappoq.
Pisariitsunik isumannaallisaanikkut feeriarninni saliinissat annikillisisissinnaavat-. Internetsikkut isumannaallisaanermut suliffeqarfik BullGuard tallimanik siunenrsuuteqarpoq, aasaru virusit qanoq ilillutit pinngitsoorsinnaaneritit:
1. Qarasaasiannut isissutissaq allanut tunniuteqinagu. Atuisut allat iserfissaannik pilersitsigit, aasap ingerlanerani qarasaasiat allanik atorneqartassappat.
2. Isissutissat atuisullu aqqi ataatsimoortillugit qarasaasiamiitittarnagit.
3. Fiilit assillu pingaarnerit allamut toqqukkit, internetimi. Internetip atorneranut antivirusinik allanilluunnii softwarinik pisiguit taava internetimi toqqorsisinnaasut ujartukkit, taamaalillutit filit pingaartitatit tammassangilatit.
4. Attaveqaatit isumannaatsut atortakkit - tassalu attaveqaatit sunik imaqarnersut ilisimasatit. Attaveqaatit trådløsit isissutissartaqanngitsut atornissaat ussernartorsiornarsinnaavoq, kialunniit softwarit eqqortut atorlugit internetimi sunersutit nakkutigisinnaavaat.
5. Qulakkeeruk internetsimut isumannaarsuut atukkat nutarterneqarsimanersoq pitsaasuunersorlu. Anti-virusimik imaqassaaq. anti-spamimik, firewallimik anti-phishingimillu - tassalu aasaanerani viruseqannginissamut isumannaarsuut akikinnerpaaq.