Skip to main content

Savalimmiormiut CTD-mut misissortissinnaalerput

Savalimmiormiut nunatsinni najugallit periarfissinneqarpu nappaammut kingornuttakkamut qaqutigoortumut CTD-mut aaversinnikkut misissortinnissamut.

Nappaat Carnitin Transporter Defekt, savalimmiormiut akornanni atugaaneruvoq, ukiualuillu ingerlaneranni Savalimmiuni arlalinnit toqussutaasimalluni.

Innuttaasut nappaateqarnerannik misissuisitsinissaq Savalimmiuni pisortat ammaammassuk, innuttaasut ilarpassui misissortipput, savalimmiormiullu Kalaallit Nunaanni najugallit assinganik peqqinnissaqarfimmit neqeroorfigineqarsinnaanngorput, nunatsinni nakorsaaneq tusagassiuutinut nalunaarpoq..

Pineqartut tassaapput Savalimmiormiut Kalaallit Nunaanni najugallit, 1985 sioqqullugu inunngortut, angajoqqaavilu illugiillutik savalimmiormiuusut. 1985–ip kingorna inunngortut, misissortissimanerminnillu nalornissuteqartut, peqqinnissaqarfimmut saaffiginnis-sapput. Statens Serum Institutimi misissugassamik aaversinnikkut, CTD-mut misissortittoqartarpoq.

Paasissutissat:

CTD, Carnitin Transporter Defektimik nappaateqarnermi, timip orsoq atorlugu nukissamik pilersitsisarnera akornuserneqartarpoq (orsup arrorsimasup timimi atorneqarnera).

CTD-mik nappaatillit nalinginnaasumik nerisinnaallutillu imersinnaasut, sukkoq taamaaqataalu timiminni nukiliortorisinnaasarpaat. Inulli assersuutigalugu meriartarnermigut nerisaqarsinnaanngitsoq, timip sananeqaataasa minnerpaat (cellit) orsoq arrorsimasoq (fedtsyre) nukissatut atorsinnaanngimmagu, timip sulineranut nukissaminik amigaateqalersinnaavoq.

Taamaattoqartillugu nukissamik atuinerpaat mianernarnerpaasullu tassaapput qarasaq, nukiit uummallu. Meeqqat assersuutigalugu nalinginnaasumik nappaalasoqartillugu meriartartut aamma/imaluunniit nerisaqanngitsut eqqortianerussapput. Nappaatip, pingaartumik uummatip nukinganut sunniuttumik ersiuteqarani, inersimasut akornanni atorneqarsinnaanera, ilisimaneqarpoq.

Carnitin-imik annertuumik aap akuata pissusissamisut annertussuseqalernissaa tikillu-gu, pisariunngitsumik nappaat nakorsarneqartarpoq. Meeqqat CTD-mik nappaatillit car-nitin-imik nakorsarneqarunik, meeqqatut peqqissutut allatulli inuusinnaassapput.

Paasisaqarfik: Kalaallit Nunaanni Nakorsaaneqarfik

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER