Skip to main content

Kommunit pensionisianik ilanngarterisut

Kommunit ilaasa siusinaarlutik pensionisiallit pisartagaasa qaffannerat pisartagaasigut allatigut ilannngaatigisalersimavaat. Naalakkersuisoqarfik mianersoqqusivoq.

Siusinaartumik pensionisiallit ilaasa pensionisiat qaffaataannik inummut tapisiaminnit ilanngaatigitissimagaat Naalakkersuisut paasisimagaat, naalakkersuisoqarfik tusagassiuutinut nalunaarpoq.

- Tamanna siusinaartumik pensionisiat pillugit inatsimmut naapertuutinngilaq, tassami inummut tapit pisariaqartitanik immikkut naliliinikkut tunniunneqartarmata. Ingerlaavartumik inummut tapiissuteqartoqartarpat tamanna ukiumut ataasiarluni, kiisalu inuttut aningaasaqarnikkulluunniit atukkat allanngornerini naliliiffigeqqinneqartassaaq.

Naalakkersuisoqarfiup erseqqissaatigaa ukiorpassuarni akit iluarsineqartarsimannginnerisa kingunerisaannik pensionisianik qaammammut 1.000 koruuninik qaffaaneq ”aningaasaqarnikkut atukkat allanngornerisut” isigineqarsinnaanngimmat.

Isumaginninnermut Naalakkersuisoqarfiup siusinaartumik pensionisiat pillugit ilitsersuummik nutarterileruttorpoq tamatumunngalu atatillugu qulaani allassimasut erseqqissaatigissallugit.

Siusinaartumik pensionisianik qaffaaneq atuisartunut akigititat qaffassimagaluartut 1998-imiilli pensionisianik iluarsiisoqarsimannginnera tunuliaqutaralugu aalajangiunne-qarpoq. Pensioniat qaffannerata, taamaalilluni aamma kommunit siusinaartumik pen-sionisiallit qanoq inuussutissaqarnissaannik naliliinerminni aallaavigisassaasa qaffasissusissaat nalunaarpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER