Skip to main content

Sukkortut allanik nappaateqalersarput

Nunatsinni sukkornermik nappaatillit qallunaanit sukkortunit allaanerunngillat. Taakku aamma allanik nappaateqalersarput.

Nuummi Dronning Ingridip napparsimmavissuani nakorsiartarfimmi sukkortunut immikkoortortaqarfimmit Michael Lynge Pedersenip qaammatip siuliani nunatsinni sukkortut allanillu nappaateqalersimasut misissorlugit naammasseqqammerpaa.

Misissuinermi naqissuserneqarpoq, nunatsinni sukkornermik nappaatillit Danmarkimi sukkornermik nappaatilittut aamma allanik nappaateqalersartut.

Sukkornermut atatillugu nappaataalersartut tassaapput tartukkut nappaat, isikkut nappaat, siuaniutikkut nappaat taqqakkullu qerattartoorneq kalaallini qallunaanilu sukkornermik nappaateqartuni akulikitsumik nappaataalersartut, misissuinerup takutippaa.

Michael Lynge Pedersenip kalaallit qallunaallu journalii misissorpai, oqarasuaatikkullu apeqqarissaarnermik malitseqartillugit. Apersukkat pingajorarterutai marluk kalaaliupput pingajorarterullu qallunaajullutik - angutaanerusut.

Kalaallit 57 procentii ukiuni kingullerni pingasuni sukkornermik nappaateqartutut paasineqarput, taakkunanilu 68 procent minnerpaamik ataatsimik allamik nappaateqartumik sukkortuunermi kingunerisaanik. Tassani ingammik siuaniutitigut aseruuttoornermik nappaateqartoqarpoq ( 51 procent), quumikkullu manniup qaqortortaanik peqarlutik (43 procent), 14 procentillu isimikkut allannguuteqarlutik allallu 10 procentit taqqamikkut qerattartoorsimallutik.

Sukkornermik nappaatillit piffissap ingerlanerani uninngaannarnerujartortillutillu allanik nappaateqalersarnerat annertusiartortarpoq.

Pujortarneq oqimaappallaarnerlu

Taamaattoq misissuinermi paasineqarpoq tupaallannartumik pujortarneq ajortorpassuusut, uninngaannartuunngitsut peqqinnartunillu nerinissaminnik soqutigisaqartut.

Misissorneqartut 443 procentii pujortartartuupput, 37 procentit pujortartartuusimallutik. Tassalu inuiaqatigiit sinneranniit ikinnerullutik, innuttaasummi 66 procentii pujortartarput.

Nappaatillit 69 procentii aamma uningaannartuunngillat, 60 procentillu peqqinnartunik nerinissartik pingaartitaraat. Ilimagisatut oqimaappallaartut amerpapput, tassalu 91 procentiti, 42 procentinilu sukkortuuneq kingornuttagaavoq.

Siusinnerusukkut nunatsinni sukkornermik nappaateqartoqartarsimanngilaq, aatsaallu ukioq 2000 innuttaasut peqqissussaannik misissuisoqarmat paasineqarpoq nunatsinni innuttaasut akornanni sukkorneq nalinginnaasuusoq.

Taamaalilluni sukkornermik nappaateqarneq nunatsinni nappaataavoq nutaajunerusoq, ilisimaneqarsimanngilarlu kalaallit sukkortut nappaammik malitsigisaanik allanik nappaateqalersarnersut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER