Skip to main content

Kalaallit pingasut silaannarsuarmukalersut

Taakku aqqi kinaallu silaannarsuarmi nunarsuarmioqatigiit misissuiffiannut assartukkanut ilaassapput.

Kalaallit pingasut qungujulaqalutik.

Assit taakku aliensit (silaannarsuarmiut, aaqq.) siullerpaajutillugit naammattooriataarsinnaavaat, ullut ilaanni qaquguugaluarnersoq nunarsuatsinnut tikeraarniarlutik aalajangeraluarunik.

Silaannarsuarmiummi tikinngitsiarnerminni nunarsuarmioqatigiit silaannarsuarmi misissuiffiat 386 kilometerinik qutsitsigaluni nunarsuatsinnik kaaviisoq saneqquteqqaartussaavaat. Ungasinngitsukkut silaannarsuarmi misissuisarfimmi kalaallit assingi aqqilu takussaalerumaarput.

Silaannarsualiartartut astronautit arlallit nunarsuarmioqatigiit misissuisarfianni najugaqarput, taakkulu silaannarsuarmi misissuinermik ingerlatsipput. Silaannarsualiartarnernik ingerlatsisut NASA-p nittarsaassinermini immikkut ittumi taaguuteqartumi "Your Face in Space" ('Kiinnat silaannarsuarmi' nuts.) soqutiginnittut tamaasa neqeroorfigai atitik aamma kiinnamik assingat silaannarsuarmukaatsissinnaagaaat.

Tamanna piviusunngorsinnaavoq qaammatit arlalialunnguit qaangiuppata raketti silaannarsualiartaat nunarsuarmioqatigiit silaannarsuarmi misissuisarfiuannukartussaammat nerisasanik kingoraartissanillu pajulluni. Kingoraartissani taakkunani soorlu antenneni aamma seqerngup qinngorneranik nukissiuutini kalaallit taakku pingasut aqqi assingilu naqinneqassapput.

Inuit nunanit allaneersut aamma peqataapput kisianni piffissaq naaliivissoq NASA-mi kingoraartissat poortuunneqarneranni, silaannarsualiartitsisarnernik ingerlatsivimmi assut pakatsisimaartoqarleraluarpoq.

Inuit Uzbekistanimeersut aamma Papua New Guineameersut ilaarlugit kalaallinik peqataasoqanngilaq, Canadami aviisi National Post allaaserisaqarpoq.

Taamaattorli NASA-mi maannakku ernumasoqartariaaruppoq. Tassami sisamanngormat Sermitsiamiit Your Face in Spacemi peqataaniartut misissoratsigit kalaalit pingasut atitik aamma assitik nassiunniarlugit aalajangersimapput. Ajoraluartumik allattorsimaffimmi oqaatigineqanngilaq inuit taakku kikkuunersut.

Immikkut alutorsaatissatut kalaallit taakku pingasut aammattaaq periarfissaqarput angalanermi silaannarsualiartut pisortaat Twitter aamma Facebok aqqutigalugit attaveqarfiginissaanut. Angalaneq iluatsilluarluni qaangiutereeriarpat periarfissaqarputtaaq NASA-p nittartagaa aqqutigalugu silaannarsuarmut angalasimasutut uppernarsaammik anillatitsisinnaassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER