Nordatlantens Brygge unnuk alutorsarfiusussaq
Qajaq, ikumatitsineq, nipilersorneq, uaajeerneq aamma arnaq siulittuisartoq. Nordatlantiske Bryggemi talittarfik nunanut avannarlermiunut sankthansfesterfiussaaq.
Unnuk Sankthansaften Savalimmiut, Islandip aamma Kalaallit Nunaata namminneq Nordatlantiske Bryggemi talittarfimmi nalliussissavaat.
Unnuk taanna pisussat oqaatigineqartutuut qiiaamminartortaqassapput nunat avannarlerniit erinnat nipilersornerillu aamma kulturiinit arlalippassuarnik akunniliillattaarluni, talittarfimmi ikumatitsineq, nunani avannarlerniit aasaanerani ileqquattut pisartoq, siulittuisartoq, uaajeerneq aamma qaannamik takutitsineq.
Nalliuttorsiorneq aallartissaaq nal. 20 savalimmiormiup Høgni Reistrupip nipilersortartuisalu nipilersornerannik. Reistrup cd-mik saqqummersitseqqammerpoq, erinarsuusiaalu nuannersut sallaatsut tusaqqoornartullu aasaanerani unnussiornissamut tulluarluinnarput. Tusarnaartitsineq, akeqartoq, illup iluani pissaaq akunnerullu ataatsip missaanik sivisussuseqassalluni.
Silataani talittarfiup sinaani piussat akeqanngillat, nal. 20.30 islandimiumit siulittuisartumit völvamit siulittortittoqarsinnaavoq, kalaallimit ersiortinneqarluni, imaluunniit qaannamik takutitsinermik isiginnaartoqarsinnaalluni, imaluunniit islandimiut Icelandic Folk Ensemblekkunnik erinarsortartumik nersualaarneqartumik Ragnheiður Gröndalimik erinarsortartullit tusarnaarneqarsinnaapput.
Ikumatitsinermi qiiaamminartumik oqalugiartoqassaaq nal. 21, kingornatigullu ikumatitassaq ikinneqassalluni.
Sankt Hansaften, pingasunngornermi 23. juni nal. 20.00 - 23.00.