Prins Christian Victoria katippat brudesvendiussaaq

Sverigep kunngissaa Victoria arfininngorpat katippat Danmarkimi prinsi taanna meeqqat brudesvendiusussat brudepigeusussallu qulit ilagissavaat.

Prins Christian mikillunilu sisamaannarnik ukioqaraluarluni pisortatigoortumik suliassaqaleriikatappoq.

Kunngissaq Victoria arfininngorpat katippat meeqqat brudesvendiusussat brudepigeusussallu aqqi Sverigemi kunngikkormioqarfiup saqqummiuppai.

Prins Frederillu nukappiaqqat brudesvendiusut aappaattut nukarlersaalluni peqataassaaq.

Kunngikkormiut meerartaat marluk allat aamma peqataassapput: Hollandimi prinsesse Catharina-Amalia arfinilinnik ukiulik aamma prinsesse Ingrid Alexandra, Norgemi kunngissakkut Mette-Marit aamma Haakonikkut paniat.

Taakku saniatigut kunngip Carl Gustafip dronning Silviallu jornguinik aamma brudepigeusoqarlunilu brudesvendiusoqassaaq.

Daniel Westlingillu jorngui marluk, Hedvig 11-nik ukiulik Veralu arfinilinnik ukiulik aamma brudepigeussapput.

Europami kunngikkormiorpassuit ulluni aggersuni Stockholmimukaassapput katittorsiorluni nalliuttorsiornernut peqataajartorlutik. Ilaatigullu kunngissaq Frederik nulialu Mary sisamanngorpat unnukkut inuusuttunik nalliuttorsiortitsinermut peqataassapput, tallimanngorpallu kunngikkormiut tamarmik Stockholmimi nipilersortarfissuarmi tusarnaartitsersuarnermut peqataassapput.

Prins Joachimili peqataassanngilaq, Danmarkimi rigsforstanderiusussaassagami.

Arfininngorpat nal. 15.30 katissapput.

Powered by Labrador CMS