Obamap nuannarineqarnera appariartorpoq
Isumasiuinertigut erserpoq, amerikamiut præsident Barack Obamap Dem Mexicanske Golfimi uuliaarluernersumik iluamik suliarinnissinnaaneranik upperinnittut ikiliatortut.
Amerikamiut præsident Barack Obama Den Mexicanske Golfimi uuliaarluernerujussuarmik iluamik passussisinnaaneranik upperinnittut ikiliartorput.
Isumasiuinermi nutaami erserpoq 53 procentit missingi isumaqartut, Obama pisortaasoq tatiginarlunilu pitsaasumik sulisoq. Taakkulu januarimiit 7 procentinik ikinnerupput.
Obamap marlunngormat siullermeerluni uuliaarluernersuaq, Obamap taassuminnga paasussusineranik isornartorsiuinermik kinguneqarsimasoq, sammillugu amerikamiunut oqalugiarnerata kingorna CNN isumasiuisitsisimavoq.
Nuannarineqarnera malunnaatilimmik appariarsimavoq, præsidentiusimasup George W. Bush-ip 2005-imi anorersuarsuup Katrinap USA-mi Golfip sineriaani eqquerujussuarnerata kingorna iluarineeruterujussuarneranut sanilliunneqarsinnnaasumik. Taamaanikkut Buship iluarineqarnera 62 procentiniit 62 procentinut appariarpoq.
Obamamilli nuannarinnittut suli 50 procentinit amerlanerupput, taamalu siornamut sanilliullutik procentimik ataasiinnarmik appariarsimallutik. Bushimulli sanilliussigaanni præsidentiusimasup taassumap nuannarineqarnerat procentinik arfinilinnik appariarluni 39 procentiinnanngornikuuvoq.
CNN-ip isumasiuinerani amerikamiut inersimasut 534-it isumasiuiffigineqarsimapput.