Skip to main content

Kaffillerfik nunarsuarmi takinerpaaq

Kommuneqarfik Sermersooq inuiattut ullorsiornitsinni nunarsuarmi nerrivimmi takinerpaami kaffillerniarsarissaaq.

Ukioq manna inuiattut ullorsiornissatsinni Kommuneqarfik Sermersuumi innuttaasut nunaqarfimmiut illoqarfimmiullu ataqatigiissutut misigissapput, sermersooq.gl allappoq.

Taamaammat inoqarfinni tamani nerrivinnik kaffillerfinnik takisuunik pilersitsisoqassaaq, taakkulu kommunimik ataqatigiissitsisutut katigussimassappullusooq. Nerriviit tamarmik allunaasanik, qilerutinik allanillu allunaanik nerriviit takeqqataannik ilisiffigineqassapput, taamaasilluni nerriviit katillugit qanoq takitiginerat uuttorneqarsinnaaniassammat, immaqalu Guinness Rekordbogianut ilanngunneqarsinnaalluni.

Inoqarfinni tamani nerriviit isui allagartalersorneqassapputtaaq, taakkunanilu ersersinneqassaaq illoqarfiit nunaqarfiilluunniit sorliit imminnut katigussimanersut. Soorlu Nuummi nerriviit isuini allassimassapput Qeqrtarsuatsiaat aamma Kapisillit il.il.

Kommunep kaffillertutut akeqanngitsumik sassaalliutigissavai kaffi, tii aamma kalaallit kaagiat, peqatigiiffiillu assigiinngitsut nerrivinni takkunanissaaq nerisassanik, imeruersaatinik assigisaannillu tuniniaassapput.

Nuummi nerrivik kaffillerfissarsuaq illoqarfiup qeqqani Kuussuaq sinerlugu inissinneqassaaq, tamaanilu aqquserngit biilinit angallavigineqarsinnaajunnaarlugit assersorneqassapput kiisalu Kommuneqarfiup allaffeqarfiata silataani biilinut uninngasarfimmi isiginnaartitsisarfiliami assigiinngitsunik aliikkusersuisoqassaaq. Aliikkusersuinerit nipeqarnerit, soorlu nipilersortut kalattoortullu Grønlandsbankip silataani ingerlanneqassapput.

Ataasinngorpat nutaartat ilagissavaat ”Ukiup oqalugiartua”, taassumalu Londonimi oqalugiartarfik Speakers’ Corner ilaarlugu sunaluunniit oqalugiaatigisinnaavaa. Speakers’ Cornerimi tusaamasaanngitsut tusaamasallu oqalugiarsinnaatitaapput isummanillu anitsisinnaaffittut ilisarnaataalluni.

Søren Joelsen kalaallit Speakers’ Corneriannut siullersaalluni qaqeqqaartuussaaq oqalugiarlunilu.

Ilaqutariinnut meerartalinnut pinnguarumatuunut susassaqartitsinerit aamma eqqarsaatigineqarsimapput. Ilaqutariit meerartallit, soorlu Qinngutsinneersut, Nuussuarmiut Nuummiullu illoqarfiup qeqqani allunaasamik noqqoruunneq, puumut ikilluni arpaliunneq oqilaniunnerlu unammissutigisinnaavaat.

Sila ajussappat pisussat Inussivimmi ingerlanneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER