Hendrik Nielsen erfalasoq pillugu qutsavigineqarpoq

Kalaallit namminneq erfalasoqalerneranniit ukiut 25-ngornernni landsrådimi, inatsisartuni naalakkersuisunilu ilaasortaasimasoq Hendrik Nielsen inatsisartut siulittaasuannit qujassutinik allaffigineqarpoq..

Ataasinngornermi junip 21-ianni kalaallit erfalasuata amuneqaqqaarnerannit ukiut 25-ngorput. Tamanna 21. juni 1985-imi inuiattut ullorsiornermi pisimammat.

Kommune Kujalliup kommunalbestyrelsiani ilaasortap Kaj Egedep, Siumut, Inatsisartut siulittaasuata Josef Motzfedtip landsrådimi, inasisartunilu ilaasortaasimasumut Hendrik Nielsenimut qujassutitut allagai Qaqortumi tunniuppai.

Kalaalli namminneq erfalasoqalernissaat Henrik Nielsenip landsrådimi siunnersuutigisimagamiuk.

Kalaallillu erlasussaannik unammisitsisoqarmat eqqumiitsuliortoq Thue Christiansen ajugaavoq.

Powered by Labrador CMS