Skip to main content

MInisteriuneq arnaqatiminut katittoq

Islandimi aappariinnermut inatsit nutaaq naapertorlugu suiaaqatiminut katissinnaaneq periarfissaalerpoq. Tamannalu statsministerip Jóhanna Sigurdardóttir atorluarpaa.

Islandip ministeriunera Jóhanna Sigurdardóttir ukiuni arlalissuarni inooqatigisimasani atuakkiortoq Jónina Leósdóttir katippaa.

Taamaalilluni islandimiunit siullersat ilaattut aapparinnermut inatsit nutaaq tunngavigalugu katippoq.

Inatsit Altingimi maajimi akuersissutigineqartoq naapertorlugu inuit marluk suiaaqatigiit katissinnaalerput, taakkulu aappariittut allatuulli aamma pisinnaatitaaffeqarput, naalagaaffiup rardioqarfia tv-qarfialu RÚV naluaarpoq.

Jóhanna aamma Jónina sapaatiummat katinnissaminnut qinnuteqaat tunniuppaat, tassani aappariittut nalunaarsorneqarnertik inatsisit tunngavigalugit katinnissamut allanngortinniarlugu. Qinnuteqaat imikkut malunnartinniarneqanngilaq.

Aappariilernerat ataasinngormat ulloq taanna inatsit atuutilermat atuutilerpoq. Aappariinnermut inatsit nutaaq ilageeqarnerup iluani aaqqiagiinngissutaavoq, apriilimi ataatsimiinnermi tamakkiisumik tapersersorneqarani.

Jóhanna Sigurdardóttir nunarsuarmi kisiartaalluni arnaqatiminik inooqateqarpoq, taamaattuuneralu Islandimi oqallisaasimanngisaannarpoq, naak Jónina Leósdóttirimi ukiorpaalunni aappatut inooqatigisimagaluaraa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER