Skip to main content

Ellemann: uagut akisussaaffiginngilarput

Qallunaat naalakkersuisuisa akuliuffigiumanagulu akuliuffigisinnaanngilaat kalaalit naalakkersuisuisa issittup imartaani uulimik ujaasilluni qillerisoqarnissaanik akuerisinerat.

Nunarsuarmi tamarmi naalakkersuisut, avatangiisinut illersuiniaqatigiit silallu pissusaanik ilisimatuut siunissami Issittumik uuliasiorluni qillenrinissat eqqarsarnertoqartippaat, mexicop kangerliumanersuani BP-p uuliamik ajutoornersuata kingunerisaamik. Taamaakkaluartoq qallunaat naalakkersuisuisa akuliuffigiumanngilaaq kalaallit uuliasiorluni misissuiniartunut akuersinerat, Berlingske Tidende allappoq.

Nuummi Naalakkersuisut ulluni tulliuttuni Kalaallit Nunaata avanna kitaani Canadallu akornanni baffinip kangelriumarngani sumiiffinni malrunni Skotlandimiut uuliasiorfiata Cairnip uuliasiorluni qillerinissaa akuersissuteqarfigisussaavaa.

Ukioq manna januaarip aallaqqaataannit Kalaallit Nunaanni Namminersorlutik oqartussat nunamut piginnittussaaneq tiguaat taamaalillutik uuliasiorniartunut akuersissuteqarnissaallutik, uuliakkortoqartillugulu upalungaarsimanissamut piumasaqarsinnaallutik.

- Aalajangiussimasariaqarparput Kalaallit Nunaata aatsitassarsiorneq akisussaaffigimmagu, avatangiisinut ministeri Karen Ellemann ( V) oqarpoq, kajumissaarutigaalu sutigut tamatigut Issittumi avatangiisitigut ajutoornissat pinngitsoorneqartariaqartut.

Mexicop kangerliumanersuani uuliaarluarnersuaq sumik peqquteqarnersoq paasineqarmat Norgep Lofotenimi Vesterålenillu eqqaani qeqertaaqqat eqqaanni qillerinissat nutaat inerteqqutigilerpai, soorlu aamma nunatsinni, Alaskami, Canadami Ruslandimilu ICC issittumik uuliamik gassimillu piiaanissamik pilersaarutit unitsinneqarnissaannut kajumissaarisoq. USA-mi præsidenti Obama qangali Alaskap eqqaani immami qillenrissat ukiumik affarmik kinguartikkai. Canadami naalakkersuisut uuliasiorluni qillernissat 2014-ip tungaanut misissoqqissaarniarpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER