Maniitsoq aluminiuliorfiliornissamut piareersarpoq

Qeqqata Kommunianut workshoppit misilittakkaallu naleqarluarput, viceborgmesteri oqarpoq.

Maniitsumi workshop nunanit arlalinnit peqataaffigineqartoq inuiaqatigiillu ikittunik inuttallit inuutissarsiornikkut suliniutinik misilittagaannik sammisaqartoq nuannaarutigineqarpoq. Assi: Leiff Josefsen

Qeqqata Kommuniani viceborgmester Karl Lyberth workshop nunat tamat peqataassifigisaatinuiaqatigiinnguit suliani angisuuni misilittagaannik sammisaqartoq iluarisimaarpaa. Workshoppi Maniitsumi juunimi ingerlanneqarpoq. .

- Qeqqata Kommunianut maniitsumullu misilittakkat naleqarluarput. Nunatsinnummi tunngassuteqarput, Tassaappullu suliniutit pisinnaanngitsut pisinnaalerlutik, periarfissanik suliniutinillu pilersitsinnaanermik takunnissinnaalersitsillutik.

- Aamma attaveqarnerneq nukittorsarneqassaaq inuiaqatigiinni uagutsitut ittuni misilittakkanik paarlaateqatigiissinnaalerluta, ilaatigigut Qeqqata Kommuniata nittartagaani allassimavoq.

Nunanit allaniit ilaatigut peqataapput inuit Norgep avannaani Aukra Kommunimeersut. Aukrami suliffeqarfiit Nordsømi naturgasimik tigooraavimmik pilersitsisimapput, gassi Tuluit Nunaannut Hollandimullu ingerlatonneqaqqilluni.

Taanna 2007-mi naammassivoq, kommunimil suliffissarpassuit untritilikkaat pilersinneqarsimapput akileraarutitigut isertitsiffiullutik. Tamanna aningaasatigut isumaginninnikkullu annertuumik ineriartortitsisimavoq.

Powered by Labrador CMS