ICC-p ataatsimeersuarnera ammarpoq

Kommuneqarfik Sermersuumi borgmester Asii Ch. Narup ICC-mut aallartitat 66-it Issittumilu inoqarfinniit alaatsitaatitat 200 sinneqartut ICC-p aaqqanilissaanik ataatsimeersuarnerani Katuami pisumi ataasinngornermi aallartittumi tikilluaqusivoq.

Asii Chemnitz Narup ICC-p ataatsimeersiarnerani 300-ngajannut tikilluaqqusivoq. Toqqorsivimmiit: Leiff Josefsen

Kommuneqarfik Sermersuumi borgmesteri Asii Chemnitz Narup ukioq manna ataatsimeersuarnermi qaaqquseqataavoq, 1980-imili ICC pilersinneqarmalli pingajussaa Nuummi ingelranneqartumi.

Canadamiit, Alaskamiit, nunatsinniit Tjukotkamiillu aallartitanut oqalugiarnermini ukiuni 30-ni ICC-p sulisimanera nersualaarpaa.

Asii Chemnitz Narupip tikilluaqqusilluni oqalugiarnermini issittumi borgmesterit attaveqaasioqqullugit kajumissaarpai.

- Naalakkersuinikkut kissaatigaara borgmesterit attaveqaateqalernissaat, naalakkersuinikkut suliniutinik paarlaasseqatigiiffigisinnaasatsinnik suleqatigiiffigisinnaasatsinnillu, Asii Chemnitz Narup oqarpoq.

ICC-p ataatsimeersuarnerani ukiuni 30-inik nalliuttorsiorneq malunnartinniarneqarpoq. Oqaluuserisassat akornanniipput qulequttat soorlu avatangiisit silallu allanngoriartornera, naalakkersuinikkut aningaasatigullu ineriartorneq, peqqissuseq atugarissaarnerlu kiisalu piniarneq nerisassallu isumannaatsuunissaat.

ICC-p ataatsimeersuarnera toqqaannartumik KNR TV-mi Radiumilu aallakaatinneqassaaq, soorlu aamma www.inuit.org aqqutigalugu malinnaasoqarsinnaalluni.

Powered by Labrador CMS