Skip to main content

KNR: Kisitsisit kisimik uuttuutaanngillat.

Nittartagaq qanoq ikkaangami pitsaanerusarpa, KNR-ip aallakaatitassiorfiani pisortaq aperaaq, apeqqusiinerullunilu tuagassiorneq ujartorlugu.

Apriilimi maajimilu www.sermitsiaq.ag-mut alakkaasut aatsaat taama amerlatigisimapput. Tamanna angusaavoq pitsaasoq tamannalu pillugu KNR-imiit pilluaqqussivugut, KNR-imi Aallakaatitassiorfimmi pisortaq Frederik Lund allappoq.

Kisianni kisitsisit kisitsisaapput - pitsaassuserlu allaalluni, Frederik Lund allappoq tikkuarpaalu tusagassiuutit tamarmik ullut tamaasa tusagassiuutitigut nalunaarutinik tigusaqartarmate, piumagaanni assiliinnariarlugit nittartakkamut ikkutiinnavinneqarsinnaasunik.

- KNR-imili sapinngisamik nammineq suliavut salliutinniartarpavut, aammalu tusagassiuutitigut nalunaarutit tigusartakkavut tamatigut isornartorsiuerpaluttumik isummerfigisarlugit, Frederik Lund allappoq.

Aamma tikkuarpaa tusagassiorfittut kisiartaalluni KNR nutaarsiassanik nammineq nalilersuiffigereerlugit toqqarsimasaminnik saqqummiussisaramik, tamatigullu oqaatsit marluk atorlugit saqqummiisarluni.

- Tamatumani atuisartut nutaarsiassaq kingullerpaaq atuarniarunikku qallunaatut atuarsinnaanissamik pinngitsaalineqanngillat, Frederik Lund allappoq.

Sermitsiaq.ag-p nittartakkami aaqqissuisua Noah Mølgaard isumaqarpoq sermitsiaq.ag knr.gl-itulli tusagassiuutinut nalunaarutit issuaannavillugit ikkussorneq ajorai, namminerlu tusagassiaminik atuilluartartoq.

- Aaqqissuisoqarfitsinni aamma tusagassiutinut nalunaarutit nalilersorneqartuarput. Nammineq tusagassiat aamma pingaartinneqarluinnarput maanilu teknikkikkut periarfissat atorlugit suliarineqartarput pitsaasunik assitalerneqartarlutik, Noah Mølgaard oqarpoq.

Aamma nuannaarutiginerarpaa sermitsiaq.ag-mi nittartakkakkut nutaarsiassalereriaaseq atuisunit ilassilluarneqarsimammat atuisullu nutaat ullut tamaasa takuttarnerarlugit.

- Nittartakkami atuisut amerlassusaat qarsupiinnagassaanngilaq. Kisitsisimmi takutippaat nutaarsiassat kingulliit maani pissarsiarineqarsinnaasut aammalu allaaserisat oqaaseqarfigineqarsinnaallutik, Noah Mølgaard oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER