Aqqutissiuussisussat

Julie Berthelsen AllStarsimilu erinarsoqatigiivi Branding Greenlandimit nunarput sinnerlugu aqqutissiuussisussatut toqqarneqarput.

Erinarsoqatigiit kangerlummut angalaarput. Assi: John Rühlmann Hansen

Nersornaasiuttagaq pilersinneqaqqammersoq ukiut tamaasa inummut ataatsimut arlalinnuulluunniit tunniunneqartassaaq sulinerminni nunatsinnik takutitsilluartunut. Nersornaat aningaasartaqarpoq, nersornaasikkap suliareriikkaminut nersornaaserneqaatiminut atorsinnaasaannik.

Julie Berthelsenip aningaasat taakku atorlugit erinarsoqatigiit tamarmik angallammik angalanissaannut atorpai, taamaalillutik ilungersorlutik sulereernerminni pinngortitami qasuersaarsinnaallutik.

TV2 angalanermut qaaqquneqarpoq, taamaalilluni aamma qulakkeerneqarluni nunatsinni pinngortitap tv-mi takuneqarsinnaanissaa, Kalaallit Nunaanni Takornariaqarnermut Inuutissarsiornermullu siunnersuisoqatigiinni tusarliinermut tuniniaanermullu ataqatigiissaarisoq Mads Nordlund nalunaarpoq.

Powered by Labrador CMS