Dash-8 siulleq Nuummut tikippoq
Air Greenlandip timmisartortaava Dash-8 sisamanngormat unnukkut Nuummut mippoq.
Pingasunngormat Air Greenlandip atlantikoq qulaallugu timmisartorsuaq Kunuunnguaq inuulluaqquvaa, sisamanngormallu unnukkut timmisartortitseeqatigiiffiup Dash-8-t arlallit, pisoqalisimasut Dash-7-it taarserlugit nunap iluani timmisartuussinermi atorneqartussat, siullersaat tikilluaqquvaa.
Timmisartoq Canadaminngaanniit tikippoq timmisartumillu ikaassisuupput canadamiut timmisartortartut, Svein Petersen, Air Greenlandimi timmisartortartuuneq, oqaluttuarpoq.
Angalaneq sivisooq aallartippoq Canadam i Torontop avannaani illoqarfimmit North Baymit. Tassanngaanniit New Foundlandimi Goose Baymut ingerlavoq tassanilu orsersoriarluni Nuummut ingerlaqqilluni.
Timmisartoq Dash-8-t marluk siullersaraat 1997-imilu Oregonimi Portlandimi sananeqarsimalluni.
Timmisartoq ukiut 12-it atorneqareersimagaluarluni nutaarluinnartut isikkoqarpoq. Iluaniittut tamarmik nutarterneqarsimapput timmisartorlu Air Greenlandip qalipaataanik aappalaartumik ilisarnartumik qalipanneqarsimavoq.
Dash-8 qanoq ateqassanersoq suli ilisimaneqanngilaq, maannakkorpiarlu timmisartortitseqatigiiffimmi atissaanik unammisitsisoqarpoq.
Aamma assit takukkit uani.
De nye fly Dash-8-fly er af modellen Dash 8-200 og ikke modellen Dash 8 - Q400, som SAS har haft problemer med.
Blandt de væstenligste forskelle på de to modeller er blandt andet landingstellet, der er helt anderledes konstrueret på 200-typen end på Q400, forklarer Air Greenland.