Skip to main content

Aningaasanut atugassanut peqqinnissamik sullissineq annertunerusoq

Siunnersuinermik ingerlatsiviup Deloitte-p siulittuutigaa peqqinnissaqarfimmi aningaasartuutit ukiuni aggersuni ukiumut 20-30 millioner koruuninik qaffattassasut.

Ukiuni kingullerni peqqinnissaqarfiup missingersuutaanik qaangiisarneq maanna pisarunnaassaaq.

Ilaatigut pisariaqarpoq peqqinnissaqarfiup aningaasanik atugassaqartinneqarnissaa peqqinnissaqarfimmik sullissinerup pitsaassusaa maanna atuuttoq atorlugu piviusorpalaartumik ingerlatsinissamut, ilaatigullu pisariaqarpoq peqqinnissaqarfiup atugassarisaanik pitsaanerusumik aqutsineq.

Tamanna takuneqarsinnaavoq nalunaarusiamit siunnersuinermik ingerlatsiviup Deloitte-p sisamanngormat ualikkut saqqummiussaani. Steen Daugaard Deloitte-meersoq isumaqarpoq suliassaqarfiit pingasut samminiarneqassasut: Aaqqissuussaaneq aqutsinerlu angusaqarnerunissaq anguniarlugu, sulisussarsiorneq ilinniagaqartitsinerlu aammalu innuttaasut peqqissuunerat.

Deloitte isumaqarpoq nalinginnaasumik peqqissuunerup issusia pingaartinneqartariaqartoq, innuttaasullu peqqissuunerannut nutaamik periuseqartoqarnissaa inassutigalugu.

Manna tikillugu iliuutsit naammassimanngillat.

Suliniuteqarneq nalinginnaasumik paasissutissiinermit najoqqutassiinermillu nuunneqassaaq peqqinnermi isumaginninnermilu ingerlatsinermut pioreersumut ilanngunneqassalluni.

Aqutsinikkut akisussaaffik inissinneqassaaq peqqinnissaqarfimmi qullersanut nunallu immikkoortuini qullersanut. Suliniuteqarnerit qitiunerusumik ingerlanneqalissapput. Deloitte-lu malillugu piviusorsiorpalaanngilaq kommunit annertuumik akisussaassuseqarnissaat. Manna tikillugutut illoqarfinni tamani pinaveersaartitsinermut siunnersuisoqassaaq, tamakkuali siunissami peqqinnermut immikkoortoqarfissanut inissinneqassapput.

Manna tikillugu suliniutit sunniutaat qularnartoqarput, inuit peqqissusaasa ineriartornera eqqarsaatigissagaanni, Deloitte naliliivoq. Innuttaasut peqqissusaat pitsanngoriarsimanngilaq.

Ilanngullugu Deloitte isumaqarpoq DIH-mi katsorsaanerit pitsanngorsarneqassasut naammassisinnaasat annertusinerisigut.

Ilanngullugu tikkuarneqarpoq politikerit paasiniartariaqaraat nakorsaqarfinni tamani nakorsaqassanersoq, aammalu suli nunami sumi tamaani napparsimmavinni siniffippassuit inoqassannginnersut aammalu nakorsaqarfinnik ullut unnuarlu sulisulinnik peqaannassanersugut. Deloitte naliliivoq illoqarfinni mikinerusuni peqqinnissamut neqeroorutini nukippassuaqartoq killilimmik atorneqartunik. Aningaasanut atugassarisanut peqqinnissamik naammattumik sulisoqanngilaq, taamatut naliliisoqarpoq.

Peqqissutsimut naalakkersuisoq Agathe Fontain, nalunaarusiamik peqqammersoq, oqarpoq innuttaasut nappaataat annikillisarniarlugit pinaveersaartitsineq ingerlatiinnarniarlugu aammalu peqqinnissaqarfik nunap immmikkoortuinut siammarsaleruttorini Naalakkersuisullu tamatumani ilinniagaqartitsineq pitsanngorsaraat, siunissami peqqinnissaqarfimmi taartaasartorpassuit, ingerlatsinermut akitsortitseqataasut, pinngitsoorniarlugit.

Peqqissutsimut hnaalakkersuisoqarfimmi pisortaq Ann Birkekær Kjeldsen Deloitte-p akulerutsinneqarneranut tunuliaqut pillugu oqarpoq 2008-mi missingersuutinut sanilliullugu peqqinnissaqarfiup naatsorsuutaanik qaangiinerit kiisalu 2009-mi 2010-milu aningaasartuutit qaffannissaat pissutigalugu pisariaqarsimasoq peqqinnissaqarfiup aningaasaqarnerata aaqqissuussaaneratalu misissorneqarnissaat, paasiniarlugu aningaasanut atugassarisanut inuiaqatigiit qanoq annertunerpaamik pissarsisinnaanersut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER