Qaanaami pinaveersaartitsineq

Qaasuitsup Kommuniani pitsaaliuinermik suliallit sap.ak. pingasuni Qaanaami nunaqarfiinilu pingasuni sulipput.

Savissivimmi ilaqutariit ataatsimut sammisaqarneranni meeqqat qalipanneqarsimasut. Assi: Helga Nielsen

Apriilip qeqqaniit maajimi sap.ak. siulleq ilanngullugu Helga Nielsen Ulrikke J. Kronvoldilu Qaanaami, Savissivimmi, Siorapalummi Qeqertanilu paasisitsiniaallutillu ataatsimiititsisaqattaarput.

Qaanaaq ukiuni arlaqalersuni pitsaaliuisoqanngilaq, taamaattumillu Qaasuitsup Kommuniani aalajangertoqarsimavoq pitsaaliuinermik suliaqartunik taavunngartisisoqassasoq.

Pitsaliuinermut siunnersortit innuttaasunik ataatsimiititsisarlutillu paasisitsiniaasarput, soorlu naamaarneq, tupa meeqqallut pisinnaatitaaffii tillinniarnerullu kingunerisartagi sammineqartarlutik.

Siunnersortit Qaanaamiinnerminni sunngiffimmi sammisassat amerlisarnisaat aamma sulissutigaat.

Powered by Labrador CMS