Arsakut siammaakkiartorput
Air Greenlandip ersissutigaa aqagu ataasinngornermi nunatsinni timmisartuussinissat amerlanersaat taamaatiinnartariaqassasut.
Annonce
- Kalaallit Nunaata silaannaani aammalu silaannaap nunatta Islandillu akornanni eqqoriaanerit nutaat malillugit nunatta ilangaatsiaa aqagu ataasinngornermi arsakunik eqqorneqarsinnaavoq, taamatut allappoq Air Greenland tusagassiorfinnut nalunaarummi.
Kulusummut, Tasiilamut, Narsarsuarmut, Narsamut, Nanortalimmut, Qaqortumut Keflavikimut uterlugulu ulluni sapaammi timmisartuussinissat taamaatiinnarneqareerput.
Air Greenland kingusinnerpaamik nalunaaqutaq 17.30 ilaasunut nalunaaruteqassaaq aqagu ataasinngornermi nunatsinni sumi timmisartortoqarsinnaanersoq.