Skip to main content

Arfivik pinngortitap oqaluttuarisaaneranik katersugaasivimmut

Arfivik, sapaatip akunnerata siuliani Qeqertarsuup Tunuani pisarineqartoq, Københavnimi pinngortitap oqaluttuarisaaneranik katersugaasivimmi ussatsitsiniutit pingaarnersarilissavaat, taamatut oqaluttuarpoq saqqummersitsinermut pisortaq. Sermitsiaq atuaruk web-tv-lu takullugu.

Nunatsinni arfiviup kingullermik pisarineqartup, sapaatip akunnerata siuliata naanerani Ilulissat avannaanni pisarineqartup Oqaatsullu eqqaanni pilanneqartup saanikui, soqqai uummataalu Københavnimi Statens Naturhistoriske Museumip pisiareqqammerpai.

TAKUUK WEB-TV: Arfivimmik pisaqartut (kalaallisut)

SE WEB-TV: Fangst af grønlandshval (qallunaatut)

SE WEB-TV: Arfivik Danmarkimut aallarutileraat

Københavnimi uumasuusivissuaq, geologisk museumi aamma botanisk museumi sanaartukkami nutaami, 2014-imi sanallugu naammassineqartussatut naatsorsuutigineqartumi ataatsimuulerpata arfivik arfernut inersuarmi, Kalaallit Nunaata inersuaanik taaneqartarmi, ussatsitsiniutit pingaarnersarilissavaat.

Qaqutigoortoq

– Saanikut pissarsiarisimanerat nuannaarutigeqaarput. Taakkuninnga pissarsinissaq qaqutigoortuuvoq, Statens Naturhistoriske Museumimi saqqummersitsinermut pisortaq Hanne Strager oqaluttuarpoq.

Sapaatip akunnerani kingullermi sisamanngormat arfiviup saanikui, soqqai uummataallu containerimut 40 fodinik angissusilimmut poortorsimasut Ilulissani umiarsualivimmit umiarsuarmik aallarunneqarput. Sapaatip akunnialunngui qaangiuppata umiarsuaq Københavnimut tikissaaq. Tamatuma kingorna saanikut salinneqassapput neqaajarlugit orsuiarlugillu aanaveersaasersorlugillu.

Pinngortitap oqaluttuarisaaneranik katersugaasiviup nutaap naammassineqarnissaata tungaanut arfivik utaqqiisaasumik saqqummersinneqassaaq.

Piniartoq misilittagalik

Piniartut pisaqaqataasut ilaat tallimassaa arfivimmik pisaqarsimavoq.

– Siorna arfivinnik marlunnik pisarinneqataasimavunga ukioq mannalu pingajussaa pisarinneqataallunga, Aqqaluk Otto Mathiesen, piniartoq Iluliarmiu, oqarpoq.

Arfivik nunamukaanneqarpoq Ilulissallu avannaanni Oqaatsuni majoratsitsisarfimmi pilanneqarluni.

Hanne Strager Statens Naturhistoriske Museumimilu sulisut marluk arfiviup pilanneqarneranI, saanikuisalu usilersuunneqarneranni malinnaapput eqqortumik iliortoqarnissaa nakkutigalugu.

Sulisartut containerimik immiissut assartukkat taamaattut umiarsuarmik aallartinnissaat misilinngisaannarsimavaat – pissutissaqarluarmat, kingullermik Nunatsinnit Europamut arfiviup saanikuanik aallarussisoqarmat arlaannaalluunniit suli inunngorsimanngilaq. Tamannami pisimavoq 1800-ukkunni. Hanne Stragerilli sulisut suliaat naammagisimaarluinnarpai.

– Ilulissani umiarsualivimmi sulisut suliaat kakkageqaavut, taanna oqarpoq.

Katersugaasiviup arfivimmik pisinera pillugu annertunerusumik atuarit aviisimi Sermitsiami nr. 20-mi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER