Skip to main content

Inatsisinik siunnersuineq akeqanngitsoq

Nuna tamakkerlugu akeqanngitsumik tamanut inatsisitigut siunnersuinissamik neqerooruteqarsinnaasoq pilersinneqarpoq.

Siunnersuisarfik taaguuserneqarpoq IKIU nunatsinnilu tamanut inatsisitigut siunnersuinissamik akeqangitsumik siunnersuisinnaalluni, akeqanngitsumik sullinneqarnissamik piumasaqaatit naammassineqarpata.

Jaunaarip aallaqqaataani landsdommerip innuttaasunut eqqartuussineqarnikkut neqerooutaa taamaatinneqarpoq, taamanikkut inatsisitigut ikiorneqarnissaq nutaamik inatsisiliuunneqarmat. Inatsisinut tunngatillugu ikiorneqarnissamut akisussaaffik tunngavimigut eqqartuussissuserisunit akissarsiortuni tigummineqalerpoq.

IKIU apprilip 22-anil 2010 Inatsisinik atortitsinermi ministeriami Civilstyrelsenimi akuerineqarpoq, taanalu aamma pilersinneqarnerani tapiillunilu ingerlatsisuuvoq.

IKIU arlaannaannulluunniit attuumassuteqanngitsunik siulersuisoqarpoq tassaasunik tarnip pissusaanik ilinniarsimasoq Naaja Nathanielsen, Mille Søvndal Pedersen, eqqartuussisoqThomas Trier Hansen aamma IKIU-mi siulittaasoq Anders Meilvang.

- Pisariillisaanissaq siunertaralugu siunnersuisarfik eqqartuussissuserisuni INA:NUNA inissisimavoq attuumassuteqarneranili. Allaffinnit allani eqqartuussissuserisut advokatfuldmægtigillu aamma siunnersuisuussapput, IKIU-mi siulittaasoq Anders Meilvang oqarpoq.

Siunnersuisarfik tassaassaaq allattoqarfik tamakkiisumik allattaaneqartoq siunnersuisullu arlaqartut ammasassaarlu ulluinnarni nal. 09.00 - 17.00 nammineerluni oqarasuaatikkullu saaffiginnittunut. Pisariaqassappat allatsip suliassat siunnersuisunut innersuuttassavai, taakkulu ullut tamaasa nal. 15.00-miit 17-imut takkuttassapput. .

Ilimatineqarpoq siunnersuineq aallartivissasoq juunip 1-ani 2010. Oqaasiinnakkut siunnersuinerusassapput, kisianni aamma annikitsumik sullissisoqarfinnaalluni, soorlu pisortaqarfinnut allanulluunniit saaffiginnissutissanik suliaqartoqartillugu.

- IKIU-p neriuutigaa, inatsisilerittut arlaqartut siunenrsuisartutut nalunaarumaartut, taamaaliorsinnaappullu uunga mailerlutik anm@ikiu.gl. Siunnersuisarniarlutik nalunaarsimasunut tamanut IKIU paasissutissiiumaarpoq ataatsimiinnermi, aaqqissuussaq pillugu annertunerusumik paasissutissiisoqarluni, ilaatigut suliap qanoq aaqqissuunneqarnissaanut, Anders Meilvang oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER