Skip to main content

Inuusuttunut imigassaq pillugu quppersagaaraq

Inuusuttut imigassap kingunipilui pillugit ilisimasakippallaarput. Taamaammat Namminersorlutik Oqartussat pitsaaliuinermut immikkoortoqarfiat Paarisa quppersakkamik saqqummersitsivoq imigassaq pillugu paasititsiniummik.

– 18-nik ukioqalernermi aatsaat imigassamik pisisinnaanerup tunngavissaqarluarnera, quppersagaaqqap oqariartuutaasa ilagaat. Inuummi qarasaa aatsaat inerivittarpoq 20-30-illu ukioqarlernerup nalaani, taamaammallu inuusuttutut imigassamik atuissagaanni ajutoornissamut qaninnerusarluni. Quppersagaaqqap anguniagaraa meeqqat inuusuttullu imigassamik paasissutissiiffiginissaat. Inuusuttullu namminneq aamma periarfissaqarput imigassamik atuisarnertik pillugu imminnut misilittarnissaat, taama Paarisa nalunaarpoq imigassaq pillugu quppersakkap saqqummersinneranut atatillugu.

– Quppersagaaqqap saqqummerneqarneranut tunuliaqutaavoq 2006-imi atuartut 6 -10 klassimi atuartut akornanni peqqinnerisa atugarissaarnerisalu misissuiffigineqarsimanerat. Meeqqat aanngajaarniutinik atornerluisarnerup kingunerisartagaannik ilisimasaat annikitsoq misissuinerup takutissimavaa, taamaammallu naatsorsuutigineqarsinnaasoq meeqqat inuusuttullu imigassamik misilittaasartut, tamatuma kingunerisartagai nalullugit, taama Paarisa nalunaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER