Dronning ullaarnganiit ilassiorneqartoq
Tallimanngornermi ullaakkut dronningip akunnaalliliineranik pilluaqqusiartorlutik ilaquttat, ikinngutit tusagassiortulu takkutinngitsiartut 27-riarluni qamutilittartoqarpoq.
Dronningip pissangaqaluni qilanaarlunilu Fredernborg Slotip igalaavisigut niaqqi anillatsippaa, tallimanngormat ullaakut ilaqutaasa ikingutaasalu inuuissiortoq pilluaqqullugu erinarsorfigalugu itersarmassuk.
Takkussuuttuli suli ullaakkorsiummik erinarsunngitsut, dronning ilassiniarlugu Fredensborg Slotip qamutiliinik 27-riarluni qamutilittartoqarpoq.
Islandimiit innermik anitsisuniit arsanik nuissat eqqartorneqaqisut soqutinagit seqineq qilammi nuiaqanngitsumi nuivoq, takkussuuttut erinarsormassuk "I østen stiger solen op/Ullaakkut iteraangama", "Vort modersmål er dejligt" kiisalu kunngit erinarsuutaat "Kong Christian stod ved højen mast". Ikinngutinik ilaquttanillu ingiallorlutik erinarsorput ilinniarnertuunngorniat erinarsoqatigiivi 50-t. Taakku kunngikkut ukiunik 25-iliillutik katiffissiorneranni Prins Henriullu 75-iliinerani aamma erinarsorsimapput.
Sisiamangormat unnukkut dronningi Det Kongelige Teaterimi isiginnaariarmat, inissat ilaat inuttaqanngillat, Islandimi innermik anitsinikkut qaaqqusat ilaat takkussinnaangimmata. Norgemiit kunngikkormiunit taamaallaat kunngissap nukianik Mette-Marit takkuppoq, Sverigemiillu kunngikkormiut isiginnaartitsinerup unitsiarnerani siullermi aatsaat takkupput.
Tallimanngornermi ullaakkut itersaanermi Norgemiit kunngikkormiut suli takkussimanngillat, taamaalaat kunngissap nulia takkussimalluni, Sverimiilli kunngikkormiut amerlaqalutik takkussimalutik, kunngikkut saniatigut prins Carl Philip takkussimalluni.
Ullaakku titersarneqareernermi kingorna dronningi pisarnermisut Amalienborgip aneerasaartarfianut ullup qeqqanut ilaquttani ilagalugit takkutissaaq.
Taassuma kingorna sakkutuut hiistertut 50-it sinneqartut kunngikkut qamutaanut ingilallortaassappput.
Ullormi nalliuttorsiualaarnerit naggaserlugit dronningi namminerisaminik Fredensborg Slotimi Kuppelsalimi nerersuartitsissaaq qitinnertalimmik. Tassani Prisn Henrik tikilluaqqusissaaq, ministeriunerlu Lars Løkke Rasmussen, kronprins Frederik aamma dronningi oqalugiassapput.
Ritzau